5-11 KA AGOSTO

TITSHOMBA TI NGA KA MHAKA YA NUNGUNGULU

1. ‘Leletela cizukulwana ci tako’ a ntamu wa Nungungulu

(10 min.)

Jehovha i vhikele Dhavhidha wusweni gakwe (Lis. 71:5; Sentinela 01/09/99 paj. 18 par. 17)

Dhavhidha i zvi wonile lezvaku Jehovha i wa mu khatalela a cikhati leci a nga khosahele (Lis. 71:9; Despertai 04 10/08 paj. 23 par. 3)

Dhavhidha i tiyisile vaswa hi ku va hlawutela matshango yakwe (Lis. 71:17, 18; Murindzeli 15/01/14 paj. 23 par. 4-5)

I ngango lowu hi wu wonileko ka vhiki gi nga hundza ka cipandze “Matshinya ya wukhozeli ga ngango”. Wu rambile a nuna ni sati va kulileko hi tanga ka wukhozeli gabye ga ngango niku wu ingisela na wu tsakile a cikhati leci va va kombako mifota ni ku va hlawutela matshango yabye.

TI WUTISE LEZVI: ‘Lomu bandleni ga mina, himani a nga ni cikhati co leha na a tirela Jehovha ndzi tsakelako ku mu maha entrevhista ka wukhozeli ga hina ga ngango?’

2. Titshomba ta moya

(10 min.)

Lis. 72:8 — A citsumbiso ca Jehovha ka Abrahama ci nga ka Genesisi 15:18, ci tatisekisile kuyini mufun’weni wa Solomoni? (Perspicaz vhol. 1 paj. 892)

Hlamulo wa wena
I tshomba muni ya moya u tsakelako ku hi byela u yi kumileko ka zvipimo lezvi hi nga nyikilwe ku lera a vhiki legi?

Hlamulo wa wena

3. Ku lera Bhibhiliya

(4 min.) Lis. 71:1-24 (Gondzisa khwatsi, cig. 5)

TI TSITSIRITE NTIRWENI WA KUCHUMAYELA

4. Ku sangula mabhulo

(3 min.) HI MUTI NI MUTI. Tsemarisa bhulo hi ndlela ya yinene a cikhati leci a munhu loye a sangulako ku ku holovisa. (Randza vanhu cig. 4 mhaka ya wu 5)

5. Ku hlakulela kutsakela

(4 min.) WUKUSTUMUNYU GA CITSHUKETI. Simama ni bhulo ga khati gi nga hundza ni xaka go kari. A xaka lego makunu ga kanakana ku fambiselwa cigondzo ca Bhibhiliya. (Randza vanhu cig. 8 mhaka ya wu 4)

6. Ku tlhamusela lezvi u zvi kholwako

(5 min.) Kanelo. Ndzima ya saite N.° 49 — Hloko ya mhaka: Hikuyini a Vakustumunyu va Jehovha va cicako a zvilo zvo kari va zvi kholwako? (Gondzisa khwatsi, cig. 17)

MAHANYELA YA WUKRISTU

7. Mawonela ya wukhozeli ga ngango

(15 min.) Mabhulo.

I ngango lowu hi sinako hi wu wonile wu yimileko wu yimbelela lisimu la Mufumo.

A ngango lowo wo sixtira a programa ya JW Broadcasting.

A mun’we wa vanhanyana vabye i vhuxeta ni mamani wakwe ka wukhozeli ga ngango lezvi a nga hlamulisako zvona ka ciyimo co kari.

A wukhozeli ga ngango cikhati ci nene kasi a vanana va ‘gondza milayo ya Jehovha’. (Efe. 6:4) A kugondza zvi lava kutikarata, kanilezvi zvi nga tsakisa nguvhu, nguvhunguvhu a cikhati leci a vanana va zvi dokolokelako nguvhu a ku tiva tigondzo ta Bhibhiliya. (Joh. 6:27; 1 Ped. 2:2) Bhulani hi kwadru “Mawonela ya wukhozeli ga ngango” legi gi nga vhunako vapswali a ku maha wukhozeli ga ngango gi gondzisa gi tlhela gi tsakisa, hi kulandzela u maha zviwutiso lezvi:

Ka mawonela ma nga laha, hi wahi u tsakelako ku ma ringisa?

Hlamulo wa wena
Ku na ni zvin’wani u zvi wonileko zva ku zvi nga ku vhuna?

Hlamulo wa wena

MAWONELA YA WUKHOZVELI GA NGANGO

BHIBHILIYA:

Ingiselani audhio ya kulera ka Bhibhiliya ka vhiki lego kutani ku mu lera hi gezu go zwala. A ciro cin’we ni cin’wani ci nga lera magezu ya wokari a kumbukiwako lomu ka Bhibhiliya
Longiselani zviwutiso zvi yelanako ni kulera ka Bhibhiliya ka vhiki ni vhiki. A mun’we ni mun’wani laha ngangweni i wa hlawule ciwutiso a lava hlamulo wa kona. Hi kulandzela, bhulani hi lezvi a mun’we ni mun’wani a zvi gondzileko
Mahani ciwutiso kutani ku tlhamusela ciyimo co kari, mu gumesa mu hlota a matshinya ya milayo lomu ka broxura Mitsalo yi vhunako wutomini ga maKristu
Mahani drama ya matimu yo kari ya Bhibhiliya
Vhiki ni vhiki, a mun’we ni mun’wani i wa tsale mitsalo yo kari laha ka phepha, yo kota leyi yi nga ka apendise A ya broxura Randza vanhu — Maha vapizani, a gumesa a zama ku yi khoma hi hloko. Vhuxetani mitsalo leyo ka mavhiki ma landzelako
Gondzani cipandze co kari ca bhuku Ti buze hi wutomi kala kupindzuka!
Hlawulani a ciro cin’we kasi ci wulawula hi yin’we ya tindzima ta xaxamelo “Mihlamulo ya Bhibhiliya kutani ndzima ya xaxamelo Textos Bíblicos Explicados” yi nga laha kaku TIGONDZO TA BHIBHILIYA ka jw.org

MITLHANGANO:

Longiselani a cipandze co kari ca mitlhangano ya bandla
Longiselani mihlamulo mu tlhela mu vhuxeta hi magezu ya n’wina. Chelani kota hi cikhati
Vhuxetani tisimu ta Mufumo
Bhulani mu tlhela mu vhuxeta lezvi mu to wula kasi ku tiyisa wokari mahlweni kutani andzhako ka mutlhangano wu landzelako
Vhuxetani a cipandze ca zvigondzani leci a ciro ca ngango wa n’wina ci to maha ka mutlhangano wu landzelako

NTIRO WA KUCHUMAYELA:

Longiselani kasi ku chumayela hi muti ni muti
Longiselani marevhizita ya n’wina
Alakanyelani a ciyimo co kari mu nga nyikako wukustumunyu ga citshuketi, mu gumesa mu bhula hi lezvi mu nga sangulisako zvona mabhulo ya cinghana
Bhulani hi lezvi mu nga mahako kasi ku maha zvotala ntirweni wa kuchumayela hi nguva ya Cialakanyiso kutani hi cikhati ca maferiya ya ntiro kutani ya cikola

ZVILAVEKO ZVA NGANGO:

Vhuxetani lezvi mu nga mahako ka ciyimo co kari ci humeleleko kutani kuzvilava ci nga humelelako, co kota ku nga ti ngheniseli ka politika, ku vhukiwa, ku namorara kutani tiferiadho
A cikhati leci mu vhuxetako, a vapswali ni vana va nga cicana zvipandze zvabye. A vanana va nga kambisisa mhaka yo kari va gumesa va bhula hi yona ni vapswali vabye

MAWONALA MAN’WANI:

Sixtirani mu tlhela mu bhula hi programa ya JW Broadcasting^®
Lerani ndzima yo kari kutani ku sixtira vhidhio ya lomu ka jw.org, mu gumesa mu bhula hi yona
Gondzani zvokari ka zvipandze “Vaswa” kutani “Vanana” zvi kumekako laha ka ku TIGONDZO TA BHIBHILIYA lomu ka jw.org
Vhuxetani manota lawa mu nga tsala ka gotsovanyano kutani mutlhangano wa cipandze
Kambisisani kutani ku hlola tshamela go kari ga civangwa mu gumesa mu bhula hi lezvi gi mu gondzisako hi Jehovha
Ka zvikhati zvo kari rambane wokari ka wukhozeli ga n’wina ga ngango mu mu maha entrevhista
Ti vekeleni mixuvo ya moya mu tlhela mu bhula hi lezvi mu nga yi tatisisako zvona
Mahani zvin’we a zvilo zvo kari, zvo kota ku maha cikombiso ca nchumu wo kari, ku tsala mapa kutani gráfico

Bisa VHIDHIO Simamani ku chukwatisa wukhozeli ga n’wina ga ngango. Hi kulandzela, maha zviwutiso lezvi:

A nuna a nga mahisa kuyini kasi a wukhozeli ga ngango gi tsakisa ka sati wakwe loku ku nga hi na vanana laha kaya?

Hlamulo wa wena

8. Cigondzo ca Bhibhiliya ca bandla

(30 min.) Murindzeli 03.21 Ndzima N.° 13 par. 14-17 ni zviwutiso zva kuvhuxeta