Dhezenyara zvilo zvi to ku vhuna ku alakanya

A hi contlhe cikhati zvi olovako ku alakanya lezvi hi gondzako. Hambulezvo, u zvi polile ku zva olova nguvhu a ku alakanya a mifananiso ya Jesu? U nga yi wona hi mahlo ya maalakanyo niku lezvo zvi nga ku vhuna ku yi alakanya. Hi kufanana wenawu u nga alakanya zvo tala zva lezvi u gondzako hi ku tsala midhezenyo. U nga zvi mahisa kuyini? Hi ku dhezenyara a cikhati leci u gondzako.

A vanhu lava va dhezenyarako mifota ya zvilo zva zviswa lezvi va gondzako a kutala ka zvikhati zva va olovela ku zvi alakanya. A ku dhezenyara mifota a zvi va vhuni basi a ku alakanya magezu, kanilezvi zvi va vhuna ku zwisisa mongo wa lezvi va gondzako. A mifota leyo a yi sasekiselwi nguvhu, kanilezvi ya ringana ku zwisisa a mongo wa lezvi va gondzileko. A matimu ma komba lezvaku a vanhu va khosaheleko hi vona va nga vhunekako nguvhunguvhu hi mahela legi.

Ka cigondzo ca wena ci landzelako, kuzvilava u nga zama ku dhezenyara mifota yo kari ya lezvi u gondzako. U ta hlamala nguvhu hi ku wona lezvi u to zvi alakanyisa zvona lezvi u to gondza!