U Fanele Ku Maha Yini?
50 Wa navela ku hanya kala kupinzuka paradiseni leyi yo saseka ke?
Hilezo, gonza nguvu lezi Nungungulu a wulako. Hlota ku lwela ku gonza Biblia. — Johani 17:3; Kuvululelwa 1:3.
51 Gonza nguvu hi Jesu. — Deuteronome 18:18, 19; Johani 3:16; Mitiro 3:19-23.
52 Hlota ku maha zo saseka ntsena ni ku ingisa Jehova. — Va Le Roma 6:17, 18, 22.
53 Alakanya lezaku Jehova i ngalo hina hi fanele ku nga dayi vanhu. — Eksodusi 20:13; 1 Johani 3:11, 12.
54 Hina hi fanele ku nga teki zilo lezi zi lumbako vanwani. — Eksodusi 20:15; Va Le Efesusi 4:28.
55 Wanuna i fanele ku nga hanyi ni ku tlhangana ni wasati ahandle ka kuva sati wakwe. — Eksodusi 20:14, 17; 1 Va Le Tesalonika 4:3.
56 Wa alakanya lezaku vasati vangani Nungungulu a vumelako ku a nuna a hi navo ke? Xikhati muni a nuna a faneleko ku tshama ni sati wakwe? — Genesisi 2:22, 24; Mateu 19:5, 6; 1 Va Le Korinte 7:2, 10, 11.
57 Alakanya kambe lezaku hina hi fanele ku khozela Jehova ntsena. — Mateu 4:10; 1 Va Le Korinte 8:6.
58 Zifananiso ni zithombe a zi zi koti ku hi vuna. Hikuyini? — 1 Va Le Korinte 8:4.
Zi nene kuva ni zifananiso? — Deuteronome 27:15; 1 Johani 5:21.
59 Hikuyini zi bihileko ku tirisa zitshungulu ni wuloyi? — Deuteronome 18:10-13; Kuvululelwa 21:8.
60 Tingelosi ta kubiha kutani madimoni ti lo vukela Nungungulu. Tona ti tirisa zitumbe kasi ku khohlisa vanhu. — Mitiro 16:16.
61 Hina hi fanele ku khongela ka Nungungulu. Ku khongela hi ku wulawula na Nungungulu, hi mu byela lezaku hi lava ku mu tirela ni ku kombela ku vuniwa hi yena. — Va Le Filipi 4:6, 7.
62 Hina hi fanele ku ingisa Jesu ni ku kholwa ka yena. — Maheberu 5:9; Johani 3:16.
63 Alakanya lezaku yena i lofa kasi ku hi hanyisa. — Va Le Roma 5:8.
64 Alakanya lezaku Jesu i Hosi ya hina leyi yi nga wonekiko. Hina hi fanele ku mu ingisa. — Va Le Filipi 2:9-11; Kuvululelwa 19:16.
65 Jesu i te ngalo wena u fanele ku hlawutela vanwani a zilo zo saseka lezi u gonzako, niku lava va lavako ku tirela Nungungulu va fanele ku bapatizwa. — Mateu 28:19, 20; Johani 4:7-15.
66 Hilezo, wena wa zi kota ku wula zilo lezo zo saseka ka vanghana va wena. — Mateu 10:32.
67 Loku u lwela ku gonza khwatsi, u ta zi kota ku gonza zilo zinyingi nguvu niku u ta zi kota ku vuna chukwana vanwani. — 2 Timote 2:15.
68 Jesu kambe i gonzisile zivanana ku ingisa Nungungulu. Yena cima i wa nga talelwangi nguvu hi zo maha kasi a nga wulawuli na zona. — Mateu 19:13-15.
69 Vapswali va fanele ku xontlhe xikhati va gonzisa vana vabye ku ingisa Nungungulu ni ku mu ranza. — Deuteronome 6:6, 7; Mavingu 6:20-22; Va Le Efesusi 6:4.
70 Gi kona wukhozeli ginyingi gi tsalangeneko. Wunyingi ga tigonzo ta gona a ti humeli lomu ka Biblia. Jehova i hi leletela ku tsika wukhongeli gi nga gonzisiko zinene. — Kuvululelwa 18:4; Johani 4:23, 24.
71 Jehova i na ni vanhu misaveni lava va zi kotako ku ku gonzisa zinwani hi yena. Wa zi tiva ku vamani? — Mitiro 15:14; Va Le Roma 10:14, 15.
72 Vona va vitanwa aku Timboni ta Jehova. Va na ni kurula xikari kabye. Wa zi tiva ku hikuyini? Hakuva va ranzana. — Isaya 43:10-12; Johani 13:34, 35.
73 Vona kambe va bapatizilwe, hakuva va ranza Jehova. Hi zona va kombisako zona lomu kubaseni lezaku va tsikile ndlela ya kubiha ya kuhanya niku va lava ku tirisa wutomi gabye kutireleni ka Nungungulu. — Mitiro 2:41.
74 Timboni ta Jehova ti rinzela ku hanya paradiseni yiswa ni yo saseka. — Tisimu 37:9-11, 29.
Xini u felako ku maha kasi wenawo wa hanya kona na tona? — Jakobe 1:22, 25; 2:20-26.
75 Ti patse ni vanhu lavo kasi ku gonza ku tirela Jehova. Vona va ranza ni ku ingisa Jehova na Kristu Jesu. Wena wa va ranza ke? Wa ranza ku vuna vanwani ku tiva Nungungulu ke? — Johani 6:45-47.
76 Jehova na Kristu Jesu va ku ranza niku va lava lezaku wena u hanya paradiseni kala kupinzuka. — Johani 3:16.
Lezi wena u gonzileko hi ku hlola mifananiso ni mahungu ma nga lomu ka broxura legi hakunene zi ku nyikile kuxuva ku tsakela wutomi ga pinzukelwa misaveni. Loku u ranza ku tiva zinwani xungetano hi lezo, hi ku alakanyisa ku bhula ni yinwe ya Timboni ta Jehova lomu u tshamako kona. Kutani wa zi kota ku tsalela, hambu ku kombela munhu a tsalela, xikritori xi nga kusuhani ni lomu u hanyako kona, kota lezi ku kombiwako lomu ka makhero ma xaxametilweko lomu ka phajina ga wumbiri ga broxura legi.