Xana Nungungulu I Ta Lovisa Kambe Vanhu Va Kubiha Ke?

22 Nakona nyamutlha va kona vanhu va kubiha nguvu. Hi zihi zinwe za zilo za kubiha zi mahiwako laha?

23 Vanwani va daya vanhu kuloni. Nungungulu i ngalo wena u fanele ku nga mahi lezo. — Eksodusi 20:13; 1 Johani 3:11, 12.

24 Vanwani va yiva. Nungungulu i ngalo wena u fanele ku nga yivi. — Eksodusi 20:15; Va Le Efesusi 4:28.

25 Va kona vavanuna va tekako vasati vanyingi. Vanwani va hanya ni vavasati vambiri hambu ni ku hunza mitini yi hambaneko. Ni vanwani vatekani va hanya zinwe na va nga chadangi. Zontlhe lezi zi hambana ni lezi a Biblia gi wulako. — Mateu 19:4-6; 1 Va Le Korinte 7:1-4; 1 Timote 3:1, 2.

26 Xana wa alakanya lezaku Nungungulu i lo nyika sati munwe ntsena ka Adamu ke? — Genesisi 2:22, 24.

27 Vanwani va khozela zifananiso. Nungungulu i ngalo ku nga tiriswi zifananiso kutani zithombe kukhozeleni. — Eksodusi 20:4, 5; Isaya 44:9-17; 1 Johani 5:21.

28 Jehova i ta lovisa lava va kubiha va nga laviko ku hunzuluka. — Tisimu 37:9, 10; Luka 13:5; 1 Va Le Korinte 6:9, 10.