Xigonzo 14

Vanghana Va Nungungulu Va Potsa Zo Biha

Satani i ringa vanhu kasi ku maha zilo zo biha. Loyi a lavako kuva munghana wa Jehova Nungungulu i fela ku venga lezi Yena a zi vengako. (Tisimu 97:10) Laha ku lanzela zinwe za zilo lezi vanghana va Nungungulu va zi potsako:

Zionho za kutirisa ziro za wubeleki. “U nga bhayi.” (Eksodusi 20:14) Xihoxo ku tlhanganisa ziro za wubeleki handle ka kutekana. — 1 Va Le Korinte 6:18.

Wudakwa. ‘A zidakwa zi nga taga a tshomba ya mufumo wa Nungungulu.’ — 1 Va Le Korinte 6:10.

Kudaya, kubhoxa nyimba. “U nga dayi.” — Eksodusi 20:13.

Wuyivi. “U nga yivi.” — Eksodusi 20:15.

Ku hemba. Jehova i venga “a lirimi li hembako”. — Mavingu 6:17.

Timholova ni zanga yo kala pimo: “Jehova . . . wa venga . . . loyi a ranzako kuleva.” (Tisimu 11:5) “A mitiro ya nyama [yi patsa] . . . a zanga.” — Va Le Galatia 5:19, 20.

Mihlakano ya tibedja. ‘Mu nga mahi wunghana ni munaveli.’ — 1 Va Le Korinte 5:11.

Kuvengana hi mivala hambu mitlawa. “Ranzani valala va nwina, mu kombelela lava va mu xanisako.” — Mateu 5:43, 44.

Lezi Nungungulu a hi byelako zi fela ku hi vuna. A hi xontlhe xikhati zi hehukako ku potsa ku maha zo biha. Hi ku vuniwa hi Jehova ni Timboni takwe, wena u ta zi kota ku potsa ku maha lezi zi nga xalalisiko Nungungulu. — Isaya 48:17; Va Le Filipi 4:13; Maheberu 10:24, 25.