Jehova I Hi Nyikile Muhanyisi

29 A munhu wo sangula wa moya loyi Nungungulu a nga mu maha i wa hi matewula ka yena.

Nungungulu wa mu ranza nguvu niku i ta mu tirisa kasi ku lovisa vanhu va kubiha ni ku hanyisa lava va ingisako. — Johani 3:16, 36.

30 Jehova i lo rumela N’wana wakwe ku ta pswalwa misaveni. Yena i lo chulwa vito ga Jesu. A vito ga nyine wakwe ku wa hi Maria. — Luka 1:30-35.

31 Laha Jesu a nga kulile, i lo gonzisa zilo zinyingi zo saseka. I gonzisile lezaku Jehova hi yena Nungungulu wa lisine. — Marku 12:29, 30.

Jesu i te ngalo hina hi fanele ku khozela Jehova yece. — Mateu 4:10; Johani 4:23, 24.

Yena kambe i gonzisile vanhu hi mufumo wa Jehova. — Luka 17:20, 21.

32 Jesu i hanyisile vababyi ni ku maha zilo zinyingi zo saseka. A nga mahangi zilo za kubiha. — Mitiro 10:38; 1 Pedro 2:21, 22.

Kanilezi i wa ta hi hanyisisa kuyini kuonheni ni kufeni?

33 Yena i wa ta nyikela muphahlelo ka Nungungulu kasi ku hanyisa vanhu va nene. Xikhatini xi hunzileko, Nungungulu i wa leletele vanhu a ku maha miphahlo ya zihari hi kota ya zionho zabye. — Maheberu 7:25, 27.

34 Jesu a nga phahlangi hi zihari. Yena i lo ti nyikela wutsumbu kota muphahlelo ka hina. — Mateu 20:28; Maheberu 10:12.

Wa zi tiva ku hikuyini?