Xigonzo 1

U Nga Zi Tivisa Kuyini Lezi Nungungulu A Zi Lavako

Mahungu muni ya lisima ma nga lomu ka Biblia? (1)

Hi mani mutumbuluxi wa Biblia? (2)

Hi kuyini u faneleko a ku gonza Biblia? (3)

1. A Biblia xinyikiwo xa lisima xa Nungungulu. Gi fana ni papilo ga raru wa liranzo gi tsalelweko vana vakwe. Gi hi byela lisine xungetano hi Nungungulu — a ku hi yena mani zinwe ni milayo yakwe. Gi tlhamusela ndlela ya ku lwisana ni zikarato ni ndlela ya makumela ya litsako la lisine. Ntsena a Biblia hi gona gi hi byelako lezi hi faneleko ku zi maha kasi ku hi xalalisa Nungungulu. — Tisimu 1:1-3; Isaya 48:17, 18.

2. A Biblia gi tsalilwe hi xipimo xa 40 wa vavanuna, xikari ka 1.600 wa malembe, ku sukela 1513 A.E.C. Gi nani 66 wa mabhuku ya matsongwani. A vatsali va Biblia va susumetilwe kutani va fambisilwe hi Nungungulu. Va tsalile maalakanyo yakwe, na ku nga hi ya vona venyi. Hikwalaho Nungungulu, le tilweni, na ku nga hi munhu laha misaveni, hi yena Mutumbuluxi wa Biblia. — 2 Timote 3:16, 17; 2 Pedro 1:20, 21.

3. Nungungulu i tiyisile lezaku a Biblia gi kopiyariwa ni ku gi hlayisiwa khwatsi hi ku mbhelela. Ku gandlilwe a ntsengo wa hombe wa maBiblia wo hunza wa mabhuku wontlhe manwanyani. A hi vontlhe va xalaliswako hi ku u gonza Biblia, kanilezi u nga tsikisiwe hi lezo. A wumanziko ga wena ga pinzukelwa gi seketelwa hi ku u tiva Nungungulu ni ku u maha kuranza kakwe, hambu loku ku humelela a ku kaneta ka lixaka muni. — Mateu 5:10-12; Johani 17:3.