Xigonzo 8

Vamani Valala Va Nungungulu?

A nala wa hombe wa Nungungulu hi Satani, Diyabu. Yena xivangwa xa moya xi nga vukela Jehova. Satani wa ha simama kulwa na Nungungulu niku i vanga zikarato za hombe ka vanhu. Satani i bihile. Muhembi ni mudayi. — Johani 8:44.

Zinwani zivangwa za moya zi lo ti patsa na Satani lomu ka kuvukela Nungungulu. A Biblia gi zi vitana aku madimoni. Kota Satani, madimoni valala va vanhu. Ma ranza ku onhela vanhu. (Mateu 9:32, 33; 12:22) Jehova i ta lovisela magumo Satani ni madimoni yakwe. Va salelwe hi xikhati xi tsongwani ntsena xa ku vanga zikarato ka vanhu. — Kuvululelwa 12:12.

Loku wena u lava kuva munghana wa Nungungulu, a wu faneli ku maha lezi Satani a lavako ku ngha u maha. Satani ni madimoni yakwe va venga Jehova. Valala va Nungungulu niku va lava lezaku wenawo u maha nala Wakwe. U lava ku hlawula loyi u ranzako ku mu xalalisa — Satani kutani Jehova. Loku u ranza kuva ni wutomi ga pinzukelwa, u fela ku hlawula ku maha kuranza ka Nungungulu. Satani i na ni mano ni tindlela tinyingi ta ku kanganyisa vanhu. Vanyingi va vona va kanganyiswa hi yena. — Kuvululelwa 12:9.