Xana a vafileko va zi kota ku tlhela va hanya hakunene?

LEZI A BIBLIA GI ZI WULAKO

“Ku tava kona a kuvuka” ka vafileko. — Mitiro 24:15

LEZI U ZI BHINZULAKO HI KU KHOLWA A KUVUKA KA VAFILEKO

U ta chavelelwa loku u felwa hi varanzekako. — 2 Va Le Korinte 1:3, 4.

U ta tlhatlhiswa wukhumbini ga ku chava kufa. — Maheberu 2:15.

U tava ni kutsumba ko tiya ka ku tlhela u hanya zinwe ni varanzekako va wena va fileko. — Johani 5:28, 29.

XANA LEZI A BIBLIA GI ZI WULAKO ZA TSUMBEKA HAKUNENE?

Ina, hi zigelo zinharu hi wutsongwani ga kona:

• Nungungulu hi yena Muvangi wa wutomi. A Biblia gi vitana Jehova Nungungulu lezaku “xibuka xa wutomi.” (Tisimu 36:9; Mitiro 17:24, 25) Loyi a nyikileko wutomi a zivangwa zontlhe zi hanyako hakunene wa zi kota ku tlhelisela wutomi ka munhu a fileko.

• Masikwini ma hunzileko, Nungungulu i vuxile vanhu hi ka vafileko. A Biblia gi bika a ntlhanu wa zikhati ni zinharu laha a vanhu — vanana, vahombe, vavanuna, ni vavasati — ​va nga vuxiwa hi ka vafileko va hanya misaveni. A vokari vabye va wa nga fangi kale, kanilezi a munwe wabye ku wa hunza mune wa masiku na a lahlilwe! — Johani 11:39-44.

• Nungungulu wa xuva nguvu ku tlhela a vuxa vafileko. Jehova wa venga kufa; yena i ku wona kota nala. (1 Va Le Korinte 15:26) Wa ‘xuva’ nguvu ku hlula nala loye, a fuvisa kufa hi ku vuxa vanhu. Yena wa xuva ku vuxa vontlhe va nga maalakanyweni yakwe lezaku va hanya kambe laha misaveni. — Joba 14:14, 15.