Masemanyana ya cipandze 1

A Bhibhiliya gi sangula hi ku wulawula hi kuvangiwa ka zvilo zvi wonekako; gi hi vhulula matihlo hi wona kusaseka ka zvilo lezvi Jehovha a zvi vangileko — le tilweni ni laha misaveni. Loku u hi mupswali vhuna n’wana wa wena ku wona a kuhlamalisa ni kuhambanahambana ka zvivangwa. Mu kombe lezvi Nungungulu a nga vangisa zvona vanhu na va hambene ni zvihari, hi ku va maha hi ndlela ya ku va zvi kota ku wulawula, ku pimisa, ku maha zvilo, ku yimbelela ni ku maha mukhongelo. Mu kuce ku a tsakela a tlhela a bonga ntamu ni wutlhari ga Jehovha, nguvhunguvhu a lirandzo leli a nga nalo hi zvivangwa zvakwe zvontlhe a ku patsa ni mun’we ni mun’wani wa hina.