Masemanyana ya cipandze 4

Ka cipandze leci hi ta wulawula hi Josefa, Joba, Mosi, ni vaIzrayeli. Vontlhe lava va timisele zviringo zvo tala zva Dhiyabho. A vokari va mahelwe kungalulami, a van’wani va vhalelwa mapaxweni ni van’wani va mahiwa tikhumbi va tlhela va dawa. Kanilezvi, Jehovha i va vhikele hi tindlela to hambanahambana. Loku u hi mupswali, vhuna n’wana wa wena lezvaku a zvi tiva khwatsi lezvi a malandza lawo ya Jehovha ma nga zvi kotisa zvona ku simama mava ni kukholwa ko tiya ka Jehovha hambu lezvi ma nga xaniseka.

Jehovha i tirisile a 10 wa makhombo kasi ku komba lezvaku i na ni ntamu wa hombe a ku hundza a vanungungulu vontlhe va Gibhite. Mu tlhamusele zvi dlunyateka lezvi Jehovha a nga ma vhikelisa zvona a malandza yakwe cikhatini ci hundzileko, ni lezvi a ma vhikelisako zvona nyamutlha.