Masemanyana ya cipandze 11

Ka cipandze leci hi ta sangula ku wulawula hi matimu ya Mitsalo ya Cigreki ya wuKristu. Jesu i pswalilwe ngangweni wa zvisiwana wu nga hanya ka cidhoropana co kari. I tirile ni papayi wakwe Josefa, loyi a nga hi muvatli. Jesu hi yena loyi a nga wa ta ponisa vanhu. Jehovha i mu hlawulile kuva Hosi ya Mufumo wa le tilweni. Loku u hi mupswali, vhuna n’wana wa wena ku wona lezvaku Jehovha i hlawulile a ngango wa wunene ni wutshamu ga ginene kasi Jesu a pswaliwa ni ku kulela kona. Mu vhune ku wona lezvi Jehovha a nga mu vhikelisa zvona Jesu kasi a nga dawi hi Herodhi, ni lezvi a nga kombisisa zvona lezvaku a ku na nchumu wu nga mu tsandzekisako ku tatisa kungo gakwe. Gondzani kambe lezvi Jehovha a nga mu tirisisa zvona Johani kasi a longisela ndlela ya ku kuta Jesu. Khanyisa lezvi Jesu a nga kombisisa zvona lezvaku i wa gi randza wutlhari ga Jehovha hambu a cikhati leci a nga hi n’wanana.