Masemanyana ya cipandze 6

A cikhati leci a vaIzrayeli va nga chikela Tikweni gi Tsumbisilweko, a tabhernakeli gi nova gona tsindza ga wukhozeli ga lisine. A vapristi va wa gondzisa Nayo, a valamuli va wa rangela vanhu. A cipandze leci ci komba khwatsi lezvi a zviboho zva munhu ni zvimaho zvakwe zvi nga va khumbisako zvona van’wani. A muIzrayeli mun’we ni mun’wani i wa fanele ku tsumbeka ka Jehovha ni ka van’wani. Mu tlhamusele khwatsi a n’wana wa wena lezvi Dhebhora, Nawomi, Joxuwa, Hana, a nhanyana wa Jefta na Samuweli va vhunisileko zvona van’wani lomu va nga kari va hanya kona. Mu tlhamusele kambe lezvaku hambu vanhu vo kala va nga hi vaIzrayeli, vo kota Rahabhi, Rute, Jayeli ni vaGibheyoni, va ti patsile ni vaIzrayeli hi ku wona lezvaku Nungungulu i wa hi zvin’we navo.