Masemanyana ya cipandze 8

Jehovha i katekisile Solomoni hi ku mu nyika wutlhari ga hombe ni thomo  ga ku aka tempeli; hambulezvo, i no fularela Jehovha hi kutsongwani- -kutsongwani. Loku u hi mupswali, tlhamusela a n’wana wa wena lezvi a vakhozeli va mawunwa va nga mu kucetelisa zvona Solomoni lezvaku a fularela Nungungulu. A mufumo wu no avanyisiwa niku a tihosi to biha ti no hambukisa vanhu va tsika ku ingisa Jehovha va sangula ku khozela zvifananiso. Ka cikhati leco, a vaphrofeti vo tala vo tsumbeka va Jehovha va no xanisiwa va tlhela va dawa. Muzindza Jezebheli i no kucetela vanhu va nga hi mufun’weni wa le n’walungu lezvaku va pela hi hloko ka ku khozela vanungungulu va mawunwa. Leco cive cikhati co biha nguvhu matin’wini ya vaIzrayeli. Hambulezvo, ku wa ha hi ni malandza yo tala yo tsumbeka ya Jehovha cikari ka vaIzrayeli, a ku patsa na hosi Jehoxafati na muphrofeti Elija.