ZILELETELO

MITLHANGANO YO HLAWULEKA

NTIRO WA BETELI A vahuweleli va bapatizilweko va nga ni 35 wa malembe kuya hasi, na va tsakela ku ya tira Beteli va fanele ku maha makungo ya kuya mutlhanganweni wa lava va navelako ku ya tira Beteli, wu to mahiwa hi Wazihlanu ni hlikanhi. A wutshamu ni xikhati xa kona zi ta tivisiwa.

XIKOLA XA VAVANGELI VA MUFUMO A maphayona ma nga ni 23 kala 65 wa malembe, lawa ma xuvako ku engetela a wutireli ga wona ma rambiwa ka mutlhangano wa lava va lavako ku gonza Xikola xa Vavangeli va Mufumo, wu to mahiwa hi Soto ni hlikanhi. A wutshamu ni xikhati xa kona zi ta tivisiwa.

ZILELETELO

VAKOMBETELI A ntiro wa vakombeteli ku vuna nwina mu nga laha mutlhanganweni. Hi kombela lezaku mu tirisana khwatsi navo hi ku lanzela lezi va to mu byela xungetano hi ku veka mimova, ko fambafamba kona, ku vekisa wutshamu, ni zinwani.

KUBAPATIZA Loku ku nga nyikiwi zileletelo zinwani, a zitulo za lava va yako kubapatizweni zi ta vekiwa mahlweni ka xiluvelo. Lava va yako kubapatizweni va fanele ku tshama ka zitulo lezo na ku nga se sangula a kanelo ya kubapatiza, yi to vekiwa hi Mulongiso ni mixo. A munwe ni munwani wabye i fanele kuta ni thawula gakwe ni tinguwo to hlamba hi tona, leti ti kombisako xichawo.

MINYIKELO Ku tirisilwe mali yo hlaya kasi ku longisela wutshamu gi faneleko, michini ya ku kulisa magezu, ya ku kombisa tividiyu ni mitiro yinwani yo tala yi mahako lezaku zi tsakisa kuva laha ka gotsovanyano lowu ni ku hi vuna ku tshinela ka Jehova. A minyikelo ya wena u yi mahako hi kuziranza yi ta vunetela mitiro leyo yi tlhela yi seketela ntiro wu mahiwako misaveni yontlhe. Lomu matlhelweni ya wutshamu legi, ku vekilwe makaxa ya minyikelo ma tsalilweko hi maletela yo woneka khwatsi, kasi zi mu olovela ku maha munyikelo. A minyikelo yontlhe ya bongeka nguvu. A Hubye yi Fumako ya mu bonga na ka ha hi mahlweni hi kota ya wuhana ga nwina laha mu seketelako a ntiro wa Mufumo.

XIPANZE XA KU LAMULELA TIMHANGO Hi kombela mu nga rivali lezaku a vamakabye va tirako laha va khatalela lava va humelelwako hi zilo za XIHATLA NI ZA XITSHUKETI NTSENA.

XIPANZE XA ZA KULAHLIWA Zontlhe zi lahliwako hi munhu zonake zi thumbiwa hi wokari, zi fanele ku yiswa ka Xipanze xa za Kulahliwa. Loku u lahla zokari, famba ka wutshamu legi u ya lava zilo za wena. A vanana lava va nga lahlekelana ni vapswali vabye va fanele ku yiswa ka wutshamu legi. Kanilezi, a gi faneli ku woniwa kota wutshamu ga ku hlayisa vanana. Hi kombela lezaku mu wonelela vanana va nwina, mu tlhela mu tshama navo.

WUTSHAMU Hi kombela lezaku mu alakanyela vanwani. Tivani lezaku a wutshamu gi ngo vekiselwa lava mu tshamako navo mutini wunwe, lava mu fambako navo moveni wunwe kutani lava mu gonzako navo a Biblia ntsena. Hi kombela ku mu nga veki nchumu ka matshamu mu kalako mu nga vekeli munhu.

NTIRO WA KUZIRANZA Loku u tsakela ku vunetela ka mitiro yi yelanako ni ku seketela malulamiselo ya gotsovanyano, byela lava va tirako ka Xipanze xa Mahungu ni Ntiro wa Kuziranza.