Zvileletelo ka lava va wonako gotsovanyano

VAINDIKADHORI A ntiro wa vaindikadhori ku vhuna n’wina mu nga laha mutlhanganweni. Hi kombela lezvaku mu tirisana khwatsi navo hi ku landzela lezvi va to mu byela xungetano hi ku veka mimovha, ko fambafamba kona, ku vekisa wutshamu ni zvin’wani.

KUBHABHATISA Loku ku nga nyikiwi zvileletelo zvin’wani, a zvitulo zva lava va yako kubhabhatisweni zvi ta vekiwa mahlweni ka ciluvelo. Lava va yako kubhabhatisweni va fanele ku tshama ka zvitulo lezvo na ku nga se sangula a kanelo ya kubhabhatisa, yi to vekiwa hi Mulongiso ni mixo. A mun’we ni mun’wani wabye i fanele kuta ni thahula gakwe ni tinguwo to hlamba hi tona, leti ti kombisako cichavo.

MINYIKELO Ku tirisilwe mali yo hlaya kasi ku longisela wutshamu gi faneleko, michini ya ku kulisa magezu, ya ku kombisa tivhidhio ni mitiro yin’wani yo tala yi mahako lezvaku zvi tsakisa kuva laha ka gotsovanyano lowu ni ku hi vhuna ku tshinela ka Jehovha. A minyikelo ya wena u yi mahako hi kuzvirandza yi ta vhunetela mitiro leyo yi tlhela yi seketela ntiro wu mahiwako misaveni yontlhe. Lomu matlhelweni ya wutshamu legi, ku vekilwe makaxa ya minyikelo ma tsalilweko hi maletra yo woneka khwatsi, kasi zvi mu olovela ku maha munyikelo. U nga maha minyikelo kambe hi internet hi ku tirisa a site donate.jw.org. A minyikelo yontlhe ya bongiwa nguvhu. A Hubye yi Fumako ya mu bonga hi kota ya kuhana ka n’wina laha mu seketelako a ntiro wa Mufumo.

DHEPARTAMENTO YA KU LAMULELA TIMHANGO Hi kombela mu nga rivali lezvaku a vamakabye va tirako laha va khatalela lava va humelelwako hi zvilo zva cihatla ni zva citshuketi ntsena.

DHEPARTAMENTO YA ZVA KULAHLEKA Zvontlhe zvi wisiwako hi munhu zvi thumbiwa hi mun’wani, zvi fanele ku yiswa ka Dhepartamento ya zva Kulahleka. Loku u lahla zvokari, famba ka wutshamu legi u ya lava zvilo zva wena. A vanana lava va nga lahlekelana ni vapswali vabye va fanele ku yiswa ka wutshamu legi. Kanilezvi, a gi faneli ku woniwa kota wutshamu ga ku hlayisa vanana. Hi kombela lezvaku mu wonelela vanana va n’wina, mu tlhela mu tshama navo kasi zvi nga vangi zvikarato.

WUTSHAMU Hi kombela lezvaku mu alakanyela van’wani. Tivani lezvaku a wutshamu gi ngo vekelwa lava mu tshamako navo muti wun’we, lava mu fambako navo movheni wun’we kutani lava mu gondzako navo a Bhibhiliya ntsena. Hi kombela ku mu nga veki nchumu ka matshamu mu kalako mu nga vekeli munhu.

NTIRO WA KUZVIRANDZA Loku u tsakela ku vhunetela ka mitiro yi yelanako ni ku seketela malulamiselo ya gotsovanyano, byela lava va tirako ka Dhepartamento ya Mahungu ni Ntiro wa Kuzvirandza.