CIGONDZO 15

Wulawula hi kutiya

1 Va Le Tesalonika 1:5

LEZVI U FANELEKO KU MAHA: Komba lezvaku wa kholwa ku lezvi u wulako lisine niku zva lisima.

Vhuxeta zvi buvha. Gondza a mahungu lawo kala u tiva ku hi tihi a timhaka-tshinya ni lezvi a Bhibhiliya gi zvi kombisisako zvona lezvaku a timhaka leto lisine. Ti karatele a ku wula timhaka-tshinya ta mahungu ya wena hi magezu matsongwani ni yo olova. Veka kupima ka lezvi a mahungu lawo ma to va vhunisa zvona lava u bhulako navo. Kombela a moya wo basa lezvaku wu ku vhuna.

Vhuxeta a mahungu ya wena hi gezu go zwala kasi u ma khoma hi hloko u tlhela u chukwatisa makanelela ya wena.
Tirisa magezu ma kombako ku a wu kanakani. U nga landzeleli lezvi zvi nga tsaliwa, kanilezvi tirisa a magezu ya wena. Hlawula magezu ma kombako ku wa zvi kholwa lezvi u wulako.
Wulawula hi kutiya na u komba ku a wu hlakani. Wulawula hi gezu go zwala khwatsi, u tlhela u cuwuka lava u wulawulako navo loku zvi nga khunguvanyisi munhu.

Tiva lezvaku a ku wulawula hi kutiya zvi hambene ni ku wulawula na u nga hi na cichavo, ku womelela ka mawonela ya wena, kutani ku kurumeta ku a zvilo zvi mahisiwa lezvi wena u zvi lavisako zvona. Hambu loku u wulawula hi kutiya, khongotela lava u bhulako navo hi lirandzo.