Ti karatele ku lezvi u gondzisako zvi chikela mbilwini

Mavingu 3:1

LEZVI U FANELEKO KU MAHA: Vhuna lava u bhulako navo lezvaku va wona lisima la lezvi va gondzako, u tlhela u va vhuna ku hanya hi zvona.

U TA ZVI MAHISA KUYINI?

• Vhuna lava u bhulako navo lezvaku va ti hlola. Wutisa zviwutiso zvi nga laviko hlamulo kasi u vhuna lava u bhulako navo lezvaku va hlola lezvi va ti zwisako zvona.

• Va vhune a ku hlola leci ci va kucako a ku maha zva zvi nene. Kuca lava u bhulako navo lezvaku va hlola ku hikuyini va mahako mitiro ya yi nene. Va vhune ku maha zva zvi nene na va kuciwa hi zvigelo zva zvi nene ku hundza zvontlhe, zvi nga lezvi: Ku randza Jehovha, ni ku randza vanhu-kulobye, zvin’we ni ku randza lezvi va gondzako lomu ka Bhibhiliya. Va vhune ku tirisa kupima kabye kasi va wona a wutlhari ga lezvi a Bhibhiliya gi zvi wulako; u nga va vekeli kanelo. Laha u gumesako a mabhulo ya wena, va siye na va zvizwa ku va tiyisilwe, niku va na ni ntamu wa ku maha zvontlhe zvi nga ntan’wini wabye; u nga va wisi tingana.

• Yisa kupima ka lava u bhulako navo ka Jehovha. Dlunyatisa lezvi a tigondzo ta Bhibhiliya, ni matshinya ya milayo, zvin’we ni zvileletelo zva gona zvi ma kombisako zvona a matshamela ya Nungungulu ni lirandzo lakwe hi hina. Vhuna lava u bhulako navo lezvaku va randza ku ehleketa hi lezvi Jehovha a ti zwisako zvona, va tlhela va randza ku mu tsakisa.