CIGONDZO 18
U nga ma tivisa kuyini a maKristu ya lisine?
A vanhu vo tala va ti byela ku maKristu. Kanilezvi a hi vontlhe va kholwako zvalezvi zva zvin’we kutani ku hanya hi milayo yaleyi ya yin’we. Makunu hi nga ma tivisa kuyini a maKristu ya lisine?
1. Cini muKristu?
A muKristu mupizani kutani mulandzeli wa Jesu Kristu. (Lera Mitiro 11:26.) A maKristu ma zvi kombisisa kuyini ku vapizani va Jesu? Jesu i wulile lezvi: “Mu vapizani va mina loku mu simama ku hlayisa a timhaka ta mina.” (Johani 8:31) Lezvo zvi wula ku a maKristu ya lisine ma fanele ku ingisa a tigondzo ta Jesu. Contlhe cikhati, Jesu i wa gondzisa lezvi a Bhibhiliya gi wulako. A maKristu ya lisine wonawu ma seketela a tigondzo tabye lomu ka Bhibhiliya. — Lera Luka 24:27.
2. A maKristu ya lisine ma li kombisisa kuyini lirandzo?
Jesu i byelile a vapizani vakwe, aku: “Randzanani, khwatsi hi lezvi mina ndzi mu randzileko.” (Johani 15:12) Jesu i zvi kombisisile kuyini lezvaku i wa va randza a vapizani vakwe? I ti nyikile cikhati co tshama navo, a va tiyisa ni ku va vhuna. I zile a nyikela wutomi gakwe hi kota yabye. (1 Johani 3:16) Hi kufanana, a maKristu ya lisine a ma wulawuli hi lirandzo zvi nyima kwalaho basi. Ma tlhela ma zvi kombisa hi magezu ni mitiro lezvaku ma randzana.
3. I ntiro muni wa lisima lowu a maKristu ya lisine ma mahako?
Jesu i va nyikile ntiro a vapizani vakwe. “I no va ruma ku famba va chumayela a Mufumo wa Nungungulu.” (Luka 9:2) A maKristu yo sangula ma wa nga chumayeli ka matshamu yabye ya wukhozeli basi, kanilezvi ma wa tlhela ma chumayela lomu ko tala vanhu ni lomu mitini ya vanhu. (Lera Mitiro 5:42; 17:17.) A maKristu ya lisine nyamutlha wonawu ma chumayela a lisine la Bhibhiliya ni kwihi lomu a vanhu va kumekako kona. Ma va randza a vanhu van’wani, hikwalaho, ma tirisa a cikhati ni ntamu wabye na ma tsakile kasi ku chumayela a mahungu ya Bhibhiliya ma nyikako kutsumba ni ku chavelela. — Marku 12:31.
GONDZA ZVI ETA
Wona lezvi u nga zvi kotisako zvona ku hambanisa a maKristu ya lisine ni vanhu lava va kalako va nga landzeli a tigondzo ta Jesu ni cikombiso cakwe.
4. A maKristu ya lisine ma hlota a lisine la Bhibhiliya
A maKristu yo sangula ma wa yi nyika lisima a Mhaka ya Nungungulu, ma chumayela van’wani ma tlhela ma randzana
A vokari va ti byelako ku maKristu a va na mhaka ni kuzwisisa a lisine la Bhibhiliya. Bisani VHIDHIO, mu gumesa mu bhula hi zviwutiso zvi landzelako.
Zvini lezvi a tichichi to kari ti ti byelako ku ta wuKristu ti mahileko kasi ti nga gondzisi lezvi Jesu a gondzisileko?
Jesu i gondzisile a lisine li nga lomu ka Mhaka ya Nungungulu. Lerani Johani 18:37, mu gumesa mu bhula hi ciwutiso leci:
Hi kuya hi Jesu, hi nga ma tivisa kuyini a maKristu lawa ma “yimako ni lisine”?
5. A maKristu ya lisine ma chumayela a lisine la Bhibhiliya
A maKristu yo sangula ma chumayele a van’wani
Na a nga se tlakukela tilweni, Jesu i nyikile a valandzeli vakwe a ntiro wa ha simamako ni nyamutlha. Lerani Matewu 28:19, 20 na Mitiro 1:8, mu gumesa mu bhula hi ciwutiso leci:
A ntiro wa kuchumayela wu wa ta famba kala kwihi?
6. A maKristu ya lisine ma maha lezvi ma chumayelako
Cini ci nga kholwisa a wanuna wa ku hi Tom lezvaku i wa kumile a maKristu ya lisine? Bisani VHIDHIO, mu gumesa mu bhula hi zviwutiso zvi landzelako.
Cini ci nga maha ku Tom a nga havi na mhaka hi wukhongeli?
Cini ci nga mu kholwisa lezvaku i li kumile lisine?
A ku wula zvi paliwa hi ku maha. Lerani Matewu 7:21, mu gumesa mu bhula hi ciwutiso leci:
Cini ci nga ca lisima ka Jesu — ku wula ku ha kholwa kutani ku komba hi mitiro ku ha kholwa ke?
7. A maKristu ya lisine ma randzana
A maKristu yo sangula ma wa randzana
A ku a maKristu ya lisine hakunene ma veka a wutomi ga wona mhangweni kasi ku ponisa man’wani maKristu? Bisani VHIDHIO, mu gumesa mu bhula hi zviwutiso zvi landzelako.
Cini ci kucileko Lloyd a ku veka wutomi gakwe mhangweni hi kota ya makabye Johansson?
U alakanya ku lezvi a nga maha zvi kombile ku muKristu wa lisine?
Lerani Johani 13:34, 35, mu gumesa mu bhula hi zviwutiso lezvi:
A maKristu ya lisine ma va khomisa kuyini a vanhu va hlonge yin’wani kutani va tiko gin’wani?
A ku a maKristu ya lisine ma wa ta kombisa a lirandzo lelo hambu ni cikhatini ca yimpi?
A VOKARI VE: “A tichichi ti maha zvilo zvo tshisa. A ndzi na mhaka ni wukhongeli.”
Mutsalo muni u nga lerako kasi ku komba lezvaku gi kona a wukhongeli ga lisine?
LEZVI HI NGA GONDZA
A maKristu ya lisine ma maha lezvi a Bhibhiliya gi zvi wulako, ma kombisa lirandzo ma tlhela ma chumayela a lisine la Bhibhiliya.
Zviwutiso zva kuvhuxeta
Ti seketelwa ka yini a tigondzo ta maKristu ya lisine?
I tshamela muni gi tivekisako a maKristu ya lisine?
I ntiro muni wa lisima lowu a maKristu ya lisine ma mahako?
GONDZA ZVIN’WANI
Gondza u tiva zvin’wani xungetano hi ntlawa wa vanhu lava va ti karatelako ku landzela a cikombiso ca Jesu Kristu ni lezvi a gondzisileko.
Wona matimu ya wasati wo kari a tsikileko kuva freira a kuma a “ngango wa lisine wa moya”.
“Va lo hlamula ziwutiso zontlhe hi ku tirisa Biblia!” (A Murindzeli wa 1 ka Abril wa 2014)
Wona lezvi a maKristu ya lisine ma li kombisisako zvona a lirandzo ka maKristu man’wani loku ma lava ku vhuniwa.
Ku vhuna vamakabye va hina loku ku humelela mhango — Cipandzana (3:57)
Gondza u wona ku a maKristu ya lisine nyamutlha ma maha zvilo zvo fana ni lezvi a maKristu yo sangula ma nga zvi maha, zvi nga zvalezvi Jesu a nga ku zvi wa ta tivekisa a valandzeli vakwe.
“U nga ma tivisa kuyini a maKristu ya lisine?” (A Murindzeli wa 1 ka Março wa 2012)