Sangula mabhulo hi ndlela ya ntumbuluko

Zvini lezvi Filipu a nga maha?

VHIDHIO: Filipu a chumayela a thenwa wa muEtiopia

1. Sixtira VHIDHIO, kutani lera Mitiro 8:30, 31. Andzhako ka lezvo, ehleketa hi zviwutiso zvi landzelako:

1. Filipu i ma sangulisile kuyini mabhulo?

2. Hikuyini leyo yi ngava ndlela ya ntumbuluko ya ku sangula mabhulo ni ku mu gondzisa a lisine liswa a wanuna loye?

Hi gondza yini ka cikombiso ca Filipu?

2. Loku hi tsika bhulo gi simama hi ndlela ya ntumbuluko, zvi ta olova ku a munhu loyi hi bhulako naye a tizwa na a tlhatlhekile a tlhela a ingisela mahungu ya hina.

Pimanyisa Filipu

3. Cuwukisisa khwatsi. Hi nga tiva zvotala hi munhu hi ku cuwuka a mayimela yakwe, majesto yakwe kutani nghohe yakwe. A ku lezvi a munhu loye a wonekisako zvona zvi komba ku wa zvi lava ku bhula na wena? U nga sangula mabhulo xungetano hi Bhibhiliya, hi ku mu wutisa ntsena uku: “U wa zvi tiva ku . . . ?” U nga kurumeti munhu a ku bhula na wena na a nga zvi lavi.

4. Kombisa lihlazva-mbilu. U nga alakanyi ku u fanele ku tekela ku sangula ku bhula ni munhu xungetano hi Bhibhiliya zvalezvi u mu kumako. Rindzela cikhati cinene kasi u sangula mabhulo hi ndlela ya ntumbuluko. Ka zvikhati zvin’wani zvi nga lava ku u rindzela kala ka khati gin’wani u to bhula naye.

5. Ti zwananise ni ciyimo. A munhu a nga sangula ku wulawula hi zvilo zva ku u wa nga zvi rindzelangi. Hikwalaho, ti yimisele ku bhula ni munhu hi timhaka ti nga ta lisima ka yena, hambu loku zvi lava ku u cica lezvi u nga longisele ku bhula hi zvona.