KU SANGULA MABHULO
CIGONDZO 4
Ti koramise
Tshinya ga nayo: “Hi kutikoramisa, wonani van’wani kota va chukwana ku hundza n’wina”. — Filp. 2:3.
Zvini lezvi Pawule a nga maha?
1. Sixtira VHIDHIO, kutani lera Mitiro 26:2, 3. Andzhako ka lezvo, ehleketa hi zviwutiso zvi landzelako:
Pawule i kombisisile kuyini a kutikoramisa a cikhati leci a nga wulawula na hosi Agripa?
Pawule i yisile kupima ka Jehovha ni ka Mitsalo ahandle ka yena n’winyi hi ndlela muni? — Wona Mitiro 26:22.
Hi gondza yini ka cikombiso ca Pawule?
2. A mahungu ya hina ma ta khumba nguvhu loku hi ma wula hi kutikoramisa ni cichavo.
Pimanyisa Pawule
3. Wulawula hi ndlela ya cichavo. U nga mahisi ku khwatsi wena u tiva zvontlhe a van’wani a va tivi nchumu, kanilezvi wulawula ni vanhu hi ndlela ya cichavo.
4. Komba ku lezvi u gondzisako zvi huma hi lomu ka Bhibhiliya. A Mhaka ya Nungungulu yi na ni mahungu ma nga khumbako a timbilu ta vanhu. Loku hi yi tirisa, hi ta aka a kukholwa kabye laha ka ciseketelo ca cinene.
5. Olova. U nga zami ku komba ku lezvi u wulako hi zvona zvoce zvi nga zvona. A hi lavi ku kanetisana ni vanhu. Kombisa kutikoramisa hi ku simama u rulile u tlhela u tiva a cikhati co suka. (Mav. 17:14; Tit. 3:2) Loku u wulawula hi ndlela yo olova, zvi nga maha a munhu loye a lava ku ingisela a mahungu ya hina ka khati gin’wani.