Kombisa lihlazva-mbilu

Zvini lezvi Jesu a nga maha?

VHIDHIO: Jesu a vhuna makabye wakwe hi lihlazva-mbilu

1. Sixtira VHIDHIO, kutani lera Johani 7:3-5 na 1 Va Le Korinte 15:3, 4, 7. Andzhako ka lezvo, ehleketa hi zviwutiso zvi landzelako:

1. Kusanguleni, a vamakabye va Jesu va wa zvi wonisa kuyini lezvi a nga kari a gondzisa?

2. Zvini zvi kombako ku Jesu a nga mu tsukulangi a makabye wakwe, Jakobe?

Hi gondza yini ka cikombiso ca Jesu?

2. Hi fanele kuva ni lihlazva-mbilu, hakuva a vanhu vo kari va hlwela ku vhumela mahungu ya manene a ku hundza van’wani.

Pimanyisa Jesu

3. Zama ku tirisa ndlela yo hambana. Loku munhu a nga tekeli ku vhumela ku gondza Bhibhiliya, u nga mu kurumeti. Loku zvi koteka, tirisa tivhidhio kutani tindzima ti nga mu vhunako ku zwisisa ku ci mahisiwa kuyini a cigondzo ca Bhibhiliya ni lezvi a nga vhunekisako zvona.

4. U nga mu fananisi ni van’wani. A vanhu va hambene! Loku a xaka go kari kutani revhizita go kari gi kanakana ku gondza Bhibhiliya kutani gi nga vhumeli a gondzo yo kari ya Bhibhiliya, zama ku zwisisa a cigelo ca kona. Ku ngava ni gondzo yo kari ya wukhongeli gakwe a womeleleko ka yona? A ku o vhukelwa hi maxaka kutani vaakelane? Mu nyike cikhati ca ku a pimisa hi lezvi u nga mu byela ni ku wona lisima la lezvi a Bhibhiliya gi wulako.

5. Khongelela lava va tsakelako. Kombela Jehovha lezvaku a ku vhuna ku u nga mbhelelwi hi kutsumba u tlhela u simama ku kombisa cichavo. Khongela ka Jehovha u mu kombela ku a ku nyika kupimisisa kasi u tiva ku hi rini u nga nyimako ku endzela munhu a kalako a nga tsakeli nguvhu. — 1 Kor. 9:26.