KU MAHA VAPIZANI
CIGONDZO 12
U nga chavi ku mu vhuna ku kula hi tlhelo ga moya
Tshinya ga nayo: “A mafura ni libani zva tsakisa mbilu, zvi tano ni wunghana go nandziha gi sukelako ka wusungukati go tsumbeka.” — Mav. 27:9.
Zvini lezvi Jesu a nga maha?
1. Sixtira VHIDHIO, kutani lera Marku 10:17-22. Andzhako ka lezvo, ehleketa hi zviwutiso zvi landzelako:
Matshamela muni ya manene lawa kuzvilava Jesu a ma wonileko ka jaha lego ga hosana?
Hikuyini zvi nga lava ku Jesu a kombisa lirandzo ni kutiya-hlanha kasi ku gi nyika wusungukati a jaha lego?
Hi gondza yini ka cikombiso ca Jesu?
2. Hi fanele ku wulawula ni cigondzani hi ndlela ya lirandzo kanilezvi na hi nga ci fihleli lezvi ci faneleko ku chukwatisa kasi ci simama ci kula hi tlhelo ga moya.
Pimanyisa Jesu
3. Vhuna a cigondzani ca wena a ku ti vekela mixuvo ni ku yi tatisa.
Tirisa a cipandze leci ci nge “Zama ku maha lezvi” ci nga ka cigondzo cin’we ni cin’wani ca bhuku Ti buze hi wutomi kala kupindzuka!
Vhuna a cigondzani a ku tiva a mazambo yo kongoma lawa ci faneleko kuba kasi ci tatisa a mixuvo ya yi tsongwani ni ya hombe.
Dzundza a cigondzani ca wena hi kukhandzakanya hi kukula loku ci ku mahako.
4. Zama ku pola lezvi zvi vhalelako a cigondzani ca wena a ku kula hi tlhelo ga moya u tlhela u ci vhuna ku hlula a zvilo lezvo.
Ti wutise lezvi:
‘Lezvi a cigondzani ca mina ci kalako ci nga kuli hi tlhelo ga moya kasi ci ringanelwa hi ku bhabhatisiwa, zvini zvi ci vhalelako?’
‘Ndzi nga ci vhunisa kuyini?’
Khongela u kombela kutiya-hlanha kasi u bhula ni cigondzani ca wena hi ndlela ya lirandzo hi lezvi ci faneleko ku maha.
5. Nyima ku gondza ni munhu loku a nga kuli hi tlhelo ga moya.
Kasi u tiva ku a cigondzani ca wena ca kula hi tlhelo ga moya, ti wutise lezvi:
‘A cigondzani ca mina ca hanya hi lezvi ci gondzako?’
‘Caya mitlhanganweni ya bandla niku ca bhulela van’wani a lisine leli ci gondzako?’
‘Loku mu gondzile hi cikhati co leha, a ku ca zvi lava ku maha Kustumunyu wa Jehovha?’
Loku a cigondzani ca Bhibhiliya ci nga kuli hi tlhelo ga moya:
Ci kuce ku ci ehleketa hi lezvi zvi ci vhalelako.
Ci tlhamusele hi cichavo a ku hikuyini mu to nyima ku gondza.
Ci tlhamusele a ku zvini ci faneleko ku maha kasi mu vhuxetela ku gondza.