MIHLAMULO YA BIBLIA

Hikuyini Jesu a vitwako N’wana wa Nungungulu?

Nungungulu a nga na sati wa xiviri a pswalileko vana naye. Hi yena muvangi wa zilo zontlhe zi hanyako. A vanhu va vangilwe na va hi ni wuzikoti ga ku pimanyisa a matshamela ya Nungungulu. Hi xalexo xi mahako lezaku a munhu wo sangula a vangilweko hi Nungungulu, ku nga Adamu, a vitanwa ku “n’wana wa Nungungulu.” Hi kufanana, Jesu i vitanwa ku “N’wana wa Nungungulu” hakuva i vangilwe na a hi ni matshamela yo fana ni ya Dadani wakwe. — Gonza Luka 3:38; Johani 1:14, 49.

I vangilwe rini Jesu?

Nungungulu i vangile Jesu mahlweni ka ku vanga Adamu. Hi lisine, Nungungulu i vangile Jesu a tlhela a mu tirisa ku maha a zilo zontlhe lezi zinwani, a ku patsa ni tingelosi. Hi xigelo lexo a Biblia gi vitanako Jesu kota “matewula ya zivangwa zontlhe” za Nungungulu. — Gonza Va Le Kolosi 1:15, 16.

Na a nga se pswaliwa Betlehema, Jesu i wa hanya kota xivangwa xa moya le tilweni. Loku ku chikele xikhati, Nungungulu i lo rurisa a wutomi ga Jesu le tilweni giya rumbyini ga Maria kasi a pswaliwa kota munhu wa nyama. — Gonza Luka 1:30-32; Johani 6:38; 8:23.

Hikuyini Nungungulu a mahileko Jesu a pswaliwa kota munhu wa nyama laha misaveni? Xipanze muni xo hlawuleka lexi Jesu a nga xi tatisa? A mihlamulo ya ziwutiso lezi u nga yi kuma lomu ka Biblia, niku yona yi ta engetela nguvu a kuzwisisa ka wena ni kutsakela ka wena lezi Nungungulu na Jesu va ku maheleko.