MIHLAMULO YA BIBLIA
Xana za koteka ku hanya kala kupinzuka?
I lulamiselo muni gi to hi tlhatlhisa ka kufa?
A wanuna wo sangula Adamu i hanyile mazanazana ya malembe. Kanilezi hi magumo i lo khosahala afa. Kusukela kwalaho, a vanhu va ringeta tindlela to tala kasi ku potsa ku khosahala. Kanilezi a nga kona a tshukileko a zi kota ku pona kufa. Hikuyini? Adamu i khosahele a tlhela afa hi lezi a nga onha hi ku nga ingisi Nungungulu. Hina hi khosahala hi lezi hi nga thapelwa hi xionho xa Adamu ni tsayiselelo wa kona. — Gonza Genesisi 5:5; Va Le Roma 5:12.
Kasi ku hi kuma wutomi ga pinzukelwa ku laveka munhu wa ku hi hakhelela nzhiho. (Joba 33:24, 25) A nzhiho i ntsengo wu hakhelwako kasi ku tlhatlhisa munhu. Hina lexi hi lavako ku tlhatlhiswa ka xona kufa. (Eksodusi 21:29, 30) Jesu i hakhele a ntsengo lowo a xikhati a nga hi fela. — Gonza Johani 3:16.
Hi nga gi kumisa kuyini wutomi ga pinzukelwa?
A hi vanhu vontlhe va to tlhatlhiswa ka mababyi ni kukhosahala. Hi lisine a vanhu lava va nga ingisiko Nungungulu a ku fana na Adamu va ta luza a lungelo ga ku hanya. Ntsena lava va tsetselelwako a zionho zabye hi vona va to kuma wutomi ga pinzukelwa. — Gonza Isaya 33:24; 35:3-6.
Kasi ku tsetselelwa, hi fanele ku maha xo kari. Hi fanele ku tiva Nungungulu hi ku gonza a Mhaka yakwe, ku nga Biblia. Gona gi hi gonzisa a mahanyela ya chukwana ni lezi hi nga zi mahako kasi ku tsakisa Nungungulu hi tlhela hi kuma wutomi ga pinzukelwa. — Gonza Johani 17:3; Mitiro 3:19.