MIHLAMULO YA BIBLIA
Xana a kufa ka Jesu ku hi vunisa kuyini?
A xikhati lexi Nungungulu a nga vanga vanhu, i wa lava lezaku va hanya kala kupinzuka laha misaveni, na va nga babyi ge hambu kufa. Hambulezo, a munhu wo sangula, Adamu, i lo tsika ku ingisa Nungungulu zonake a luza lungelo ga ku hanya kala kupinzuka. Kota pswalo wakwe, hinawu hi lo thapelwa hi kufa. (Va Le Roma 5:8, 12; 6:23) Jehova, a Nungungulu wa lisine, i lo rumela N’wana wakwe, Jesu, misaveni lezaku a tafa kasi ku wuyisa lezi Adamu a nga zi luza. — Gonza Johani 3:16.
Jesu i file kasi ku vulula ndlela ya ku a vanhu va kuma wutomi ga pinzukelwa. U alakanya lezaku gi ta tshamisa kuyini a wutomi ga pinzukelwa laha misaveni?
A kufa ka Jesu ku hi vululela ndlela ya kuva hi tsetselelwa zionho za hina ni ku kuma wutomi ga pinzukelwa. A Biblia gi hi komba lezi a wutomi gi to tshamisa zona a xikhati lexi hi to kala hi nga ha khosahali, ku babya, ni kufa. — Gonza Isaya 25:8; 33:24; Kuvululelwa 21:4, 5.
Hi fanele ku ku alakanyisa kuyini a kufa ka Jesu?
Ka wusiku ga mahlweni ka kufa kakwe, Jesu i lo byela vapizani vakwe lezaku va maha zilo zi tsongwani kasi ku alakanya hi zona a kufa kakwe. A ku alakanya a kufa ka Jesu hi ndlela leyo lembe ni lembe zi hi maha hi wona lezi Jesu na Jehova va ranzisako zona vanhu. — Gonza Luka 22:19, 20; 1 Johani 4:9, 10.