“Hi nga wona a mufota lowu!”

Makhati mangani u wulileko magezu lawa, kutani ku byela munwani a xikhati lexi u vululako a revista giswa ga Murinzeli? A zithombe lezo zo saseka ni mifota yi tsalilweko hi mafunza zi na ni kungo. I ndlela yinwani ya ku gonzisa, leyi yi hi vunako ku ehleketa ni ku zwisisa. Zi na ni xivuno nguvunguvu a xikhati lexi hi longiselako a Xigonzo xa Murinzeli.

Hi xikombiso, zama ku ehleketa lezaku hikuyini ku hlawulilweko a mufota lowo wo sangula u wu wonako ka nzima yinwe ni yinwani ya xigonzo. Xana wu komba yini? Wu yelanisa kuyini ni hloko ya mhaka ya nzima kutani mutsalo-tshinya? Xungetano hi mifota yontlhe leyi yinwani, ti karatele ku tiva lezaku yi yelanisa kuyini ni mhaka leyi mu gonzako zinwe ni wutomi ga wena.

A mufambisi wa Xigonzo xa Murinzeli i fanele ku nyika xikhati a bandla kasi a vamakabye va tlhamusela a mufota munwe ni munwani, va wula lezi wu yelanisako zona ni mhaka leyi hi gonzako kutani lezi wu va gonzisako vona wutsumbu. Ka zikhati zinwani, ka tshuka ku tsaliwa magezu hi lahasani kutani laha reveni lawa ma kotlanisako a mufota lowo ni nzimana yo kari yo kongoma. Manwani makhati, a mufambisi a nga ha hlawula a nzimana leyi zi tova chukwana ku wulawula hi mufota munwe ni munwani. Hi ndlela leyo, vontlhe va ta vuneka khwatsi hi lezi zi mahilweko kasi ku vuna mugonzi lezaku a kuma zigonzo zi nga Mhakeni ya Nungungulu.

A makabye wo kari i zi wulisile lezi: “Anzhako ka ku gonza nzima yi tsalilweko khwatsi, a mifota yi fana ni wulombe legi gi engetelako a kutsombela ka zontlhe zo giwa.”