Gondza zvotala ka mifota

A mabhuku ya hina ma tele hi mifota yi hi gondzisako zvilo zva lisima. U nga yi tirisisa kuyini a mifota leyo kasi yi ku vhuna?

• Ranga hi ku wona mifota na u nga se lera ndzima ya kona. A mifota yi nga ku koka kupima yi tlhela yi ku kuca ku lera ndzima leyo. Loku u wona zvakuga zvo nandziha lomu ka parato u zvi navela nguvhu kuga. Hi kufanana, u ta zvi navela nguvhu a ku lera ndzima yo kari loku u sangula hi ku wona mifota. Hikwalaho, na u nga se lera ndzima yo kari ti wutise lezvi: ‘Zvini ndzi zvi wonako lomu ka mifota?’ — Amo. 7:7, 8.

• A cikhati leci u lerako ndzima yo kari ehleketa hi ku hikuyini ku nga hlawuliwa mifota leyo. Lera magezu ya mifota ni mitlhamuselo ya kona loku zvi hi kona. Ehleketa hi lezvi a mifota yi yelanisako zvona ni mhaka leyi ku wulawuliwako hi yona ni lezvi u nga zvi tirisisako zvona lezvi u gondzako ka yona.

• Andzhako ka ku lera ndzima tirisa mifota kasi yi ku vhuna ku alakanya a timhaka-tshinya ta ndzima leyo. Zama ku wu khoma hi hloko a mufota wun’we ni wun’wani ni lezvi u gondzako.

• Yi wona kambe a mifota kasi u wona ku wa ha zvi alakanya lezvi u nga gondza ke.