BHIBLIOTEKA YA SAITE ya Watchtower
BHIBLIOTEKA YA SAITE
ya Watchtower
ciTshwa
  • BHIBHILIYA
  • MABHUKU
  • MITLHANGANO
  • w15 15/5 pp. 14-18
  • U nga mu hlula Satani!

Ka cipandze leci a ku na vhidhyu

Hi tsetselele, kuve ni cikarato kasi a vhidhyu leyi yiba.

  • U nga mu hlula Satani!
  • A Murinzeli I Huwelela a Mufumo Wa Jehova—2015
  • Zvihlokwana zva mhaka
  • Mahungu yo yelana ni lawa
  • POTSA MATSHANZA
  • POTSA KU RANZA TITSHOMBA NI TIKO
  • ALA WUBHAYI
  • HLULA YIMPI HI KUTIMISELA
  • Ti wonele — Satani i lava ku ku khadamula!
    A Murinzeli I Huwelela a Mufumo Wa Jehova—2015
  • Tiva a nala wa wena
    A Murindzeli i huwelela a Mufumo wa Jehovha — 2018
  • Hi Mani Diyabu?
    Zini Lezi Nungungulu A Zi Lavako Ka Hina?
  • U fanele kuva munhu wa mahanyela muni?
    A Murinzeli I Huwelela a Mufumo Wa Jehova—2013
A Murinzeli I Huwelela a Mufumo Wa Jehova—2015
w15 15/5 pp. 14-18
Vanhu va titanga to hambana ni tihlonge to hambana va ti hungatako zinwe; ku na ni xithombe xa nghala yi hlomelako hi laha janeleni

U nga mu hlula Satani!

“Mu kaneteni [Satani] hi kutiya kukholweni ka nwina.” — 1 PED. 5:9.

HI NGA MU KANETISA KUYINI SATANI HI . . . 

  • ku potsa matshanza?

  • ku potsa ku ranza titshomba?

  • ku potsa wubhayi?

1. a) Hikuyini nyamutlha zi nga za lisima nguvu a kulwa na Satani? b) Hi zi tivisa kuyini ku za koteka ku hlula yimpini ya hina na Satani?

SATANI ilwa yimpi ni misalela ya vatotilweko zinwe ni “tiyivu tinwani.” (Joh. 10:16) A kungo gakwe ku khadamula malanza yo tala ya Jehova hi laha a zi kotako hi kona nzeni ka xikhatana lexi xi mu saleleko. (Gonza Kuvululelwa 12:9, 12.) Xana hi nga mu hlula Satani? Ina! A Biblia gi ngalo: “Alani Satani, zonake i ta suka ka nwina.” — Jak. 4:7.

2, 3. a) A maalakanyo ya lezaku Satani a nga kona ma mu vunisa kuyini ku tatisa a kungo gakwe? b) U zi tivisa kuyini lezaku Satani i kona?

2 A vanhu vo tala a va kholwi lezaku Satani i kona. Ka vona, Satani ni madimoni vanhu vo kala va nga hi kona lava va tirisiwako ka tinovela, mafilme yo tshisa, ni tividiyu-gemi. A vanhu lavo va alakanya lezaku a munhu a tivako a nga kholwi lezaku a mimoya leyo yo biha yi kona. Makunu, u alakanya lezaku Satani wa karateka hi kuva yena ni vaseketeli wakwe va nga wonekiko va alakanyelwa lezaku vanhu va lomu ka mafilme ntsena ke? Za kanakanisa! Hi lisine, Satani za mu olovela a ku pfhupelisa kupima ka lava va alakanyako lezaku a nga kona. (2 Kor. 4:4) A ku hangalasa maalakanyo ya lezaku a mimoya leyo yo biha a yi kona yinwe ya tindlela leti Satani a ti tirisako kasi ku khohlisa vanhu.

3 Kota malanza ya Jehova, hina a hi vumeli ku khohliswa hi Satani. Ha zi tiva lezaku Satani i kona, hakuva hi yena a nga wulawula na Eva hi ku tirisa nyoka. (Gen. 3:1-5) Satani i lo ruka Jehova mhakeni ya Joba. (Joba 1:9-12) Hi Satani a zamileko ku ringa Jesu. (Mat. 4:1-10) Niku anzhako ka kuyimiswa ka Mufumo wa Nungungulu hi 1914, hi yena Satani a nga “suka a yalwa” ni misalela ya vatotilweko. (Kuv. 12:17) A yimpi leyo ya ha vura ni nyamutlha laha Satani a zamako ku daya a kukholwa ka misalela yo tsumbeka ya lava va 144.000 ni ka lava va tiyivu tinwani. Kasi ku hlula Satani yimpini leyi, hi fanele ku mu kaneta hi tlhela hi tiya kukholweni. A nzima leyi yi ta wulawula hi tindlela tinharu ta ku maha lezo.

POTSA MATSHANZA

4. Satani i zi kombisisa kuyini a ku i tele hi matshanza?

4 Satani a nga ti koramisi ne ni kutsongwani. Hi lisine, a kuva a xivangwa xa moya xi tiya ku vukela a wuhosi ga Jehova xi tlhela xi zama ku wutla wutshamu ga Jehova hi ku ti maha nungungulu xikombiso xa hombe nguvu xa matshanza ni kulakalaka. Hikwalaho, a yinwe ya tindlela ta kuva hilwa na Satani ku potsa matshanza ni ku hlakulela kutikoramisa. (Gonza 1 Pedro 5:5.) Kanilezi zini a matshanza? Xana hi xontlhe xikhati ma bihileko?

5, 6. a) Xana a matshanza wontlhe ma bihile? Tlhamusela. b) Matshanza ya lixaka muni ma nga ni mhango, niku zikombiso muni za Mitsalo zi hi kombako lezo?

5 A disionario go kari gi tlhamusela gezu matshanza kota “kutitsumba ni ku ti nyika lisima” zinwe ni “kutsaka loku u ku kumako hi kuva wena kutani munhu a nga munghana kutani xaka a mahile nchumu kutani a hi ni nchumu wa wu nene.” A ku ti zwisa lezo a zi bihangi. Mupostoli Paule i lo byela maKristu ya le Tesalonika aku: “Hina hi ti tlakusa ha nwina mabandleni ya Nungungulu, hi kota ya kutimisela ni kukholwa ka nwina kuxanisekeni kontlhe ka nwina, ni mihlomulweni leyi mu yi zwako.” (2 Tes. 1:4) Hikwalaho, a ku xalala hi mitiro ya vanwani u tlhela u tizwa ni matshanza hi yona za tiyisa marambu. A ku rinzelwi lezaku hiwa tingana hi ngango wa hina, ntumbuluko wa hina, kutani wutshamu legi hi hanyako ka gona. — Miti. 21:39.

6 Hi tlhelo ginwani, ku na ni matshanza lawa ma nga onhako wuxaka ma tlhela ma hahlula a wunghana ga hina na Jehova. A matshanza lawo ma nga hi maha hiva ni xiviti kutani ku ala wusungukati wutshanweni ga ku ti koramisa hi gi amukela. (Tis. 141:5) A matshanza ya tshamela legi ma tlhamuselwa kota “kutiwonela hehla” kutani “kutikulisa ku kombiswako hi vanhu lava va ti byelako lezaku va chukwana ku hunza vanwani, a kutala ka zikhati na ku nga hi na xigelo.” Jehova wa ma venga matshanza ya tshamela lego. (Ezek. 33:28; Am. 6:8) Kanilezi Satani wa tsaka loku a wona vanhu na va kombisa matshanza lawo, hakuva ma longoloka khwatsi ni lawa yakwe. Hi nga alakanya lezi Nimrode, na Faro, na Absalome va nga kombisisa zona ku tekelela Satani, laha vontlhe va nga telwa hi matshanza ya hava! (Gen. 10:8, 9; Ekso. 5:1, 2; 2 Sam. 15:4-6) A matshanza hi wona kambe ma nga maha Kana a wela xionhweni. I tlharihisilwe hi Nungungulu wutsumbu, kanilezi i lo ti kulisa a ala xitlharihiso lexo. I lo ti womisa hloko a nga ingisi a xitlharihiso xa Jehova, a tsutsumela khombyeni. — Gen. 4:6-8.

7, 8. a) Xini a xihlawulela xa hlonge, niku xi ngava xikombiso xa matshanza hi ndlela muni? b) Tlhamusela lezi a matshanza ma nga susisako zona a kurula lomu bandleni.

7 Nyamutlha, a vanhu va kombisa matshanza hi tindlela to tala to biha. Ka zikhati zo kari, a matshanza ma longoloka ni xihlawulela xa hlonge. A disionario go kari gi tlhamusela a xihlawulela xa hlonge kota “ku chepeta kutani ku nyenya vanhu va hlonge yinwani” ni “ku kholwa lezaku a tihlonge ta vanhu ti hambene hi matshamela ni wutlhari, niku a to kari ti tlakukile, a tinwani ta nyalidede hi ntumbuluko.” A matshanza lawo ya hlonge ma vanga zitereka, tiyimpi, hambu ni kuhlaselwa ka vanhu vo tala.

8 Kunene, a zilo lezo a zi faneli ku mahiwa lomu bandleni ga wuKristu. Hambulezo, a kukanetisana xikari ka makholwa-kulori, loku a kutala ka zikhati ku vuxiwako hi matshanza, ku nga ha kula nguvu laha ka kuza ku hi hlula. Zi wonekisa ku khwatsi hi zalezo zi nga humelele maKristu yo kari ya zana ga malembe go sangula, lawa Jakobe a ma tsaleleko xiwutiso lexi xa ntamu: “Kuta hi kwihi a kulwa ni kukanetisana xikari ka nwina ke?” (Jak. 4:1) A ku chepeta vanwani ni kutikulisa ku zimileko mitsu mbilwini ku nga khumba a magezu ni mitiro ya munhu, ku vanga kubayisa ka hombe ka vanwani. (Mav. 12:18) Zi te dlunya lezaku a matshanza ma nga susa kurula lomu bandleni.

9. A Biblia gi hi vunisa kuyini kulwa ni xihlawulela xa hlonge zinwe ni matshanza wontlhe ya hava ke? (Wona mufota kusanguleni ka nzima.)

9 Loku hina wutsumbu hi byekelela ku ti wona hi hi va chukwana ku hunza vanwani, hi fanele ku alakanya lezaku “vontlhe lava va nga ni mbilu ya ku ti kulisa . . . manyalataniso ka Jehova.” (Mav. 16:5) Zi wa tava zi nene kambe kuva hi hlola lezi hi va wonisako zona a vanhu va hlonge yinwani, va tiko ginwani, kutani va mudawuko wunwani. Loku hi hi ni matshanza hi hlonge ya hina kutani tiko ga hina, hi rivala lezaku Nungungulu ‘i mahile tixaka tontlhe ta vanhu ti huma ka nyapanze munwe.’ (Miti. 17:26) Hi ndlela leyo, i hlonge yinwe ntsena yi nga kona hakuva a vanhu vontlhe vata hi ka munhu munwe, ku nga Adamu. Hikwalaho, wupumbu a ku ti byela lezaku a tihlonge to kari ti tlakukile kutani ta nyalidede hi ntumbuluko. A maalakanyo lawo ma wa ta seketela a mano ya Satani yo lava ku susa a liranzo ni wumunwe ga wuKristu. (Joh. 13:35) Kasi kulwa na Satani hi tlhela hi mu hlula, hi fanele ku ala tixaka tontlhe ta matshanza ya hava. — Mav. 16:18.

POTSA KU RANZA TITSHOMBA NI TIKO

10, 11. a) Hikuyini zi olovako ku nghenelwa hi moya wa tiko? b) Demasi i kombisile kuyini liranzo lakwe hi tiko ke?

10 Satani hi yena “a hosana ya legi tiko” niku gi le ntanwini wakwe. (Joh. 12:31; 1 Joh. 5:19) Hikwalaho, a kutala ka zilo zi vuvumiswako hi tiko legi za lwisana ni matshinya ya milayo ya Biblia. Lisine ku a hi zilo zontlhe za tiko zi bihileko. Kanilezi hi fanele ku tshama na hi zi tiva lezaku Satani i ta tirisa a tiko gakwe kasi ku lonzowota a kuxuva ka hina a tlhela a zama ku hi yisa xionhweni kutani ku hi maha hi ranza tiko, hi nga gi nyiki lisima a wukhozeli ga hina ka Jehova. — Gonza 1 Johani 2:15, 16.

11 Zi te dlunya lezaku a maKristu yo kari ka zana ga malembe go sangula ma wa thapelwe hi liranzo la tiko. Hi xikombiso, Paule i tsalile lezi: “Demasi i nzi tsikile, kota lezi a ranzako za nguva leyi.” (2 Tim. 4:10) A Biblia a gi wuli hi kukongoma a ku zini lezi Demasi a nga zi ranza tikweni, laha ko kala zi mu maha a tsika Paule. Za koteka ku ngha Demasi a no sangula ku ranza nguvu titshomba ku hunza ku tirela Jehova. Loku zi tshamisile lezo, Demasi i wa luzile malungelo yo tsakisa ya moya hi zilo zi nga vuniko nchumu. Xana a tiko gi wa ta mu nyika nchumu wo hunza makatekwa lawa Jehova a nga wa ta mu nyika hi kuva a simamile ku tira na Paule ke? — Mav. 10:22.

12. Hi nga welisa kuyini ntlhanwini wa “kukhohlisa ka xuma”?

12 Lezo zi nga tshuka zi hi humelela na hinawu. Kota maKristu, hi na kuxuva ka mabeleko ko lava ku ti hlayisa kutani ku hlayisa ngango wa hina hi tlhelo ga nyama. (1 Tim. 5:8) Jehova i lava lezaku hi hanya khwatsi — lezi zi wonekako khwatsi loku hi alakanyela a wutshamu go saseka legi a nga nyikile Adamu na Eva. (Gen. 2:9) Kanilezi Satani a nga tirisa a kuxuva ka hina kasi ku hi hambukisa hi “kukhohlisa ka xuma.” (Mat. 13:22) A votala va alakanya lezaku a mali yi ta va nyika litsako kutani lezaku a munhu i fanele kuva ni titshomba kasi ku humelela. A maalakanyo lawo kutikhohlisa ka lisine, niku ma nga hi maha hi luza a tshomba ya lisima nguvu leyi hi nga nayo — gi nga wunghana ga hina na Jehova. Jesu i tlharihisile a valanzeli vakwe aku: “A ku na munhu a zi kotako ku tirela tihosi timbiri; hilezi i ta venga yinwe, a ranza yinwani, kutani i ta namarela ka yinwe, a kanyisa yinwani. A mu zi koti ku tirela Nungungulu ni [titshomba].” (Mat. 6:24) Loku hi tirela titshomba ntsena, hi nyimile ku tirela Jehova, niku hi zalezo Satani a lavako lezaku hi zi maha! Hi nga tshuki hi tsika mali kutani zilo zi xaviwako hi yona zi daya wunghana ga hina na Jehova. Kasi ku hlula Satani, hi fanele kuva ni mawonela ma nene hi titshomba. — Gonza 1 Timote 6:6-10.

ALA WUBHAYI

13. A tiko legi gi vuvumisisa kuyini a mawonela ya hava hi wukati ni masango?

13 A ntlhamu wunwani wa tiko ga Satani wubhayi. Inyamutlha, a vanhu vo tala va wona kutsumbeka wukatini — kutani wukati ha goce — kota hlavu gi va valelako kutani nchumu wu hunzelweko. Hi xikombiso, a wasati wo kari wa mumahi wa zihungato i wulile lezi: “A ku hanya ni wanuna munwe kutani wasati munwe a zi koteki. A ku na munhu wo tsumbeka kutani a zi lavako ku tsumbeka nzi mu tivako.” A wanuna munwani wa ku maha zihungato i te ngalo: “A nzi alakanyi ku hi ngava hi mahelwe ku hanya ni munhu munwe wutomini ga hina gontlhe.” Satani a ngo ku tsaka loku azwa vanhu va nduma na va rukatela a xinyikiwo xa Nungungulu xa wukati. Satani Diabolus a nga na kuxuva ni kutsongwani ko lava ku seketela a lulamiselo lego kutani ku gi wona na gi humelela. Hikwalaho, kasi ku hlula Satani, hi fanele ku seketela a lulamiselo ga Nungungulu ga wukati.

14, 15. Hi nga alisa kuyini ku wela wubhayini?

14 Kani hi chadile, kani hi magwenza, hi fanele ku ti karatela nguvu ku ala tixaka tontlhe ta wubhayi. Leyo a hi yimpi yo yi wonela hasi! Hi xikombiso, loku u hi muswa, u nga hazwa zigonzani-kuloni na zi ti khuza hi ku hlengela masango kutani ku rumelelana mahungu ni zithombe za masango, wu nga nchumu lowu a ka matshamu yo tala wu woniwako kota ku hangalasa zithombe za masango zo ringana vanana. A Biblia gi ngalo: “Loyi a bhayako i onhela a miri wakwe.” (1 Kor. 6:18, NM ) A mababyi ya ku thapelisana hi masango ma vanga kuxaniseka ma tlhela ma daya vanhu. Niku a vaswa vo tala va hlengelako masango na va nga chadangi va wula lezaku va ti laya hi lezi va mahileko. A mihanzu ya wubhayi yi hambene nguvu ni lezi zi kombisiwako ka mafilme ni zihungato, lezi zi zamako ku hi maha hi kholwa lezaku a ku tshova milayo ya Nungungulu a zi na makhombo. A maalakanyo lawo ma maha vanhu va phasiwa hi “kukhohlisa ka kuonha.” — Maheb. 3:13.

15 U nga ku yini loku ulwa ni xiringo xa wubhayi? Vumela a gome ga wena. (Rom. 7:22, 23) Khongela u kombela ntamu. (Fil. 4:6, 7, 13) Potsa ziyimo lezi zi nga ku yisako wubhayini. (Mav. 22:3) Niku loku a xiringo xi chikela, u nga xi maheli mihoni; tekela ku xi ala. — Gen. 39:12.

16. Jesu i hlamulisile kuyini a ziringo za Satani, niku hi nga gonza yini ka xikombiso xakwe?

16 Jesu i hi vekele xikombiso xi nene xa kulwa ni ziringo. A nga khohliswangi hi zitsumbiso za Satani, ge hambu ku ti nyika xikhati xa ku ehleketa hi zona. Kanilezi, i lo tekela ku hlamula aku: “Ku tsalilwe ku ngalo.” (Gonza Mateu 4:4-10.) Jesu i wa yi tiva a Mhaka ya Nungungulu, niku lezo zi mu vunile kuva a hatlisa ku tshaha mitsalo a xikhati a nga ringwa. Kasi ku hlula Satani, hi fanele ku ala a xiringo xa wubhayi. — 1 Kor. 6:9, 10.

HLULA YIMPI HI KUTIMISELA

17, 18. a) Hi wahi matlhari manwani lawa Satani a ma tirisako, niku hikuyini lezo zi nga faneliko ku hi hlamalisa? b) Zini zi rinzelako Satani, niku zi ku kucisa kuyini a ku timisela?

17 A matshanza, ni ku ranza titshomba, ni wubhayi matlhari manharu ntsena lawa Satani a ma tirisako. Hambulezo, ka ha ni manwani yo tala nguvu. Hi xikombiso, a maKristu yo kari ma vukelwa hi ziro za ngango, ma hlekiwa hi zigonzani-kulobye, hambu ku beletelwa ku xumayela. A tixanisa leto a ti hi hlamalisi, hakuva Jesu i tlharihisile valanzeli vakwe aku: “Mu ta vengiwa hi vanhu vontlhe hi kota ya vito ga mina; kanilezi loyi a timiselako kala magumo, hi yena a ta nga hanyiswa.” — Mat. 10:22.

Jesu loyi a tlakusilweko i hoxa Satani, loyi a yimelwako hi nghala, kulovisweni

Satani i ta loviselwa magumo (Gonza nzimana 18)

18 Hi nga mu hlulisa kuyini Satani? Jesu i byelile a vapizani vakwe aku: “Hi kutimisela ka nwina mu ta ponisa mihefemulo ya nwina.” (Luka 21:19) A ku na nchumu lowu munhu a nga hi mahelako wu to hi vangela kubayisa ka pinzukelwa. A nga kona a zi kotako ku hi susela a wunghana ga hina na Nungungulu loku hi ngayi hi ku mu chusa. (Rom. 8:38, 39) Hambu a kufa ka malanza ya Jehova a hi kuhlula ka Satani, hakuva Jehova i ta ma vuxa! (Joh. 5:28, 29) Kanilezi Satani a nga na kutsumba. Anzhako ka kuloviswa ka tiko legi go biha, Satani i ta valelwa hi 1.000 wa malembe nkeleni wa lieswila. (Kuv. 20:1-3) Kumbheleni ka Kufuma ka Jesu ka 1.000 wa malembe, Satani i ta “tlhatlhiwa xikhatanyana” kasi a zama ku khohlisa vanhu hi khati go gumesa. Anzhako ka lezo, Diabolus i ta loviswa. (Kuv. 20:7-10) Satani a nga hi na ku ma potsa a makhombo lawa ma mu rinzelako, kanilezi wena u nga ma potsa! Mu ale Satani, u tiya kukholweni. U ta mu hlula Satani!

    Mabhuku ya ciTshwa (2000-2025)
    Huma
    Nghena
    • ciTshwa
    • Rumela
    • Ti hlawulele
    • Copyright © 2025 Watch Tower Bible and Tract Society of Pennsylvania
    • Nayo wa matirisela
    • Nayo wa cihundla
    • Privacy Settings
    • JW.ORG
    • Nghena
    Rumela