MIHLAMULO YA BIBLIA
Hikuyini ku nga ni ziprofeto lomu ka Biblia?
Hikuyini a Biblia gi wulawulako hi zilo zi mahekako masikwini ya hina? — Luka 21:10, 11.
Ku na ni mitlhamuselo yo tala ya ziprofeto lomu ka Biblia. A ku na munhu laha misaveni a nga zi kotako ku tlhamusela khwatsi a zilo za ha tako. Hikwalaho, a kutatiseka ka ziprofeto za Biblia zi tiyisa lezaku a Biblia i Mhaka ya Nungungulu. — Gonza Joxua 23:14; 2 Pedro 1:20, 21.
A ziprofeto za Biblia lezi zi tatisekileko zi hi nyika zigelo zo zwala za ku hi kholwa ka Nungungulu. (Maheberu 11:1) Zi tlhela zi hi maha hi tsumba lezaku a zitsumbiso za Nungungulu xungetano hi wumanziko ga gi nene zi ta tatiseka. Hikwalaho, a ziprofeto za Biblia zi hi nyika kutsumba ka lisine. — Gonza Tisimu 37:29; Va Le Roma 15:4.
A ziprofeto za Biblia zi hi vunisa kuyini?
A ziprofeto zo kari zi tlharihisa malanza ya Nungungulu lezaku ma maha xokari. Hi xikombiso, a xikhati lexi a maKristu ya zana go sangula ga malembe ma nga wona a kutatiseka ka ziprofeto zo kari, ma lo huma le Jerusalema. Hi nzhako ka xikhati, laha a doropa ga Jerusalema gi nga lovisiwa hi kota ya lezi a kutala ka vahanyi va gona va nga ala Jesu, a maKristu ma wa hi ka wutshamu go hlayiseka ga le kule. — Gonza Luka 21:20-22.
Inyamutlha, a ziprofeto zi tatisekileko zi komba lezaku a Mufumo wa Nungungulu lokuloku wu ta lovisa mifumo ya vanhu. (Danieli 2:44; Luka 21:31) Hikwalaho, za xihatla nguvu lezaku a munwe ni munwani wa hina a maha xokari zalezi, kasi a amukeleka ka Hosi, Jesu Kristu, loyi Nungungulu a mu yimisileko. — Gonza Luka 21:34-36.