A Biblia Gi Na Ni Matimu Ya Lisine Ni Ziprofeto Zo Tsumbeka

Zini zi kombako lezaku a Biblia gi na ni matimu ya lisine? Hi zihi a ziprofeto za Biblia zi tatisekileko lezi zi hi tiyisako ku ngalo a ziprofeto za xikhati xi tako zonawu zi ta tatiseka? A ziwutiso lezi zi hlamulwa ka vidiyu ya wunharu yi nge ngalo A Bíblia: História Exata, Profecias Confiáveis, yi nga ka DVD A Bíblia: Um Livro de Fatos e Profecias. Anzhako ka ku hlalela a vidiyu leyi, xana u nga hlamula a ziwutiso lezi zi lanzelako?

(1) Himani a Xibuka xa mahungu yo tsumbeka lawa ma nga lomu ka Biblia? (Dan. 2:28) (2) Mahungu muni ya lisine ma nga lomu ka Biblia xungetano hi Gipite wa kale, niku xana gi tatisekisile kuyini a wuprofeti gi nga ka Isaya 19:3, 4? (3) Xana lava va vevulelako a zilo za vanhu va hanyileko kale va zi tiyisisa kuyini lezaku a tlhatlhambutelo wa Biblia xungetano hi vaAssiria, tihosi tabye, ni kuloviswa ka Assiria lisine? (Nah. 3:1, 7, 13) (4) Hi zihi a ziprofeto zi tatisekileko xungetano hi Babuloni? (Jer. 20:4; 50:38; 51:30) (5) Xiprofeto muni xi tatisekileko xungetano hi Medi-Persia? (Isa. 44:28) (6) Xana Danieli 7:6 ni 8:5, 8 ma tatisekisile kuyini ka Grekia? (7) Xana Danieli 7:7 gi tatisekisile kuyini a xikhati lexi a tiko ga Roma gi nga maha mufumo wa misava yontlhe? (8) VaKesari vahi va kumbukiwako lomu ka Biblia? (9) Zini zi mahekeleko a maKristu kufumeni ka Nero? (10) Xana a ziprofeto zi nga ka Kuvululelwa 13:11 ni 17:10 zi tatisekisile kuyini? (11) Himani a hosi ya wuntlhanu ni wunharu? (12) Zipanze muni zi nga ka vidiyu leyi zi kombako lezaku Mutshawuteli 8:9 gi wula lisine? (13) Ziprofeto muni u rinzelako a kutatiseka ka zona hi mahlo yo pswhuka? (14) U nga yi tirisisa kuyini a vidiyu leyi kasi ku kholwisa vanwani lezaku a Biblia gi tumbuluxilwe hi Nungungulu?