MIHLAMULO YA BIBLIA
Xana a wusiwana gi ta mbhela laha misaveni?
Xana Nungungulu i ta tisa tiko gi nga hiko na wusiwana hi ndlela muni? — Mateu 6:9, 10.
A wusiwana gi daya timiliyoni ta vanhu lembe ni lembe hi ku ngagi khwatsi ni mababyi. Hambu lezi a matiko yo kari ma ganyileko, a vanhu vo tala va simama va hanya wusiwaneni ga hombe. A Biblia gi komba lezaku a wusiwana xikarato xi tshamako xi hi kona vanhwini. — Gonza Johani 12:8.
Kasi ku mbheta wusiwana, zi wa ta lava mufumo wu nga ni ntamu wa ku avela titshomba ta laha misaveni hi ndlela ya kululama. Zi wa ta lava kambe lezaku a mufumo lowo wu fuvisa a tiyimpi, ti nga tona ti vangako nguvu wusiwana. Nungungulu i tsumbisa a mufumo lowo wu to fumela misava yontlhe. — Gonza Danieli 2:44.
Himani a nga mbhetako wusiwana?
Nungungulu i yimisile N’wana wakwe, Jesu, lezaku a fumela vanhu vontlhe. (Tisimu 2:4-8) Jesu i ta tlhatlhisa zisiwana a tlhela a fuvisa tixanisa ni tihanyi. — Gonza Tisimu 72:8, 12-14.
Kota lezi zi profetilweko, Jesu a “Hosi ya kurula,” i ta neha kurula ni ku tshamiseka misaveni yontlhe. Zonake a vanhu vontlhe misaveni va ta hanya mitini yabye, va ti buza hi ntiro wo tsakisa, na va hi ni zakuga zo tala. — Gonza Isaya 9:6, 7; 65:21-23.