MIHLAMULO YA BIBLIA
Zini lezi Jesu a to maha xikhatini xi tako?
Ka lembe ga 33 Nguveni ya Hina, Jesu i lofa, a vuka hi ka vafileko, a tlhela a tlakukela tilweni. Hi nzhako ka xikhati, Jesu i lo nyikwa ntamu wa ku fuma kota Hosi. (Danieli 7:13, 14) Xikhatini xi tako, Jesu kota Hosi, i ta neha kurula misaveni yontlhe a tlhela a fuvisa wusiwana. — Gonza Tisimu 72:7, 8, 13.
Kota Hosi, Jesu i ta basisa misava ka wubihi
Jesu i ta maha zilo za zi nene nguvu kota Hosi ya vanhu. I ta tirisa a ntamu lowu Dadani a mu nyikileko kasi ku tlhelisela vanhu kumbheleleni. Va ta ti buza hi wutomi laha misaveni na va nga tshuki va khosahala ni kufa. — Gonza Johani 5:26-29; 1 Va Le Korinte 15:25, 26.
Zini lezi Jesu a mahako zalezi?
Zalezi Jesu i rangela a ntiro wo xumayela misaveni yontlhe, wu mahiwako hi valanzeli vakwe va lisine. Va enzela vanhu kasi ku va komba lezi a Biblia gi zi wulako xungetano hi Mufumo wa Nungungulu. Jesu i wulile lezaku i wa ta seketela a ntiro wa vapizani vakwe kala a Mufumo wa Nungungulu wu fuvisa a mifumo yontlhe ya vanhu. — Gonza Mateu 24:14; 28:19, 20.
Hi ku tirisa a bandla ga maKristu ya lisine, Jesu i vuna vanhu a kuva ni mahanyela ma nene. I ta simama ku va rangela kulovisweni ka matshamela yo biha ya tiko legi kala va nghena misaveni yiswa leyi Nungungulu a yi tsumbisako. — Gonza 2 Pedro 3:7, 13; Kuvululelwa 7:17.