“Lava va rulako va taga tshomba ya tiko”

A kutala ka hina ha tshuka hi wona kungalulami ni vanhu vo kala nandzu na va xanisiwa hi vanhu vo biha. Xana ku tava ni cikhati leci a kungalulami ni wubihi zvi to kala zvi nga ha hi kona?

Ka Lisimu 37 a Bhibhiliya ga hlamula ciwutiso leci gi tlhela gi hi nyika wurangeli legi hi gi lavako nyamutlha. Wona lezvi gi wulako ka zviwutiso lezvi zva lisima.

• Zvini hi faneleko ku maha loku a van’wani va hi xanisa? — Vhesi 1, 2.

• Zvini zvi to humelela vanhu vo biha? — Vhesi 10.

• Hi gihi wumandziko ga lava va mahako zva zvi nene? — Vhesi  11, 29.

• Zvini hi faneleko ku maha zvezvi? — Vhesi 34.

A magezu ma pimisilweko ya Lisimu 37 ma komba kubaseni a wumandziko go saseka ga vanhu lava va ‘rindzelako Jehovha, va hlayisa a ndlela yakwe’. A Timboni ta Jehovha ti ta zvi tsakela nguvhu a ku ku vhuna ku gondza Bhibhiliya ni ku ku vhuna ku tiva lezvi u nga mahako kasi wena ni lava u va randzako mu kuma wumandziko lego go tsakisa.