Lisine xungetano hi Mufumo wa Nungungulu
Jesu i gondzisile a vapizani vakwe lezvaku va mahisa lezvi a mukombelo: “Papayi wa hina wa le tilweni, a vito ga wena a gi basisiwe. A wute Mufumo wa wena. A kurandza ka wena a ku mahiwe misaveni kota lezvi ku mahiwako le tilweni.” (Matewu 6:9, 10) Cini a Mufumo wa Nungungulu? Zvini lezvi wu mahako? Kona hikuyini hi faneleko ku kombela lezvaku wuta?
Jesu hi yena hosi ya Mufumo wa Nungungulu.
Luka 1:31-33, i li: “U ta mu chula ku hi Jesu. I tava wa hombe niku i ta vitaniwa ku i N’wana wa Loyi a Tlakukileko ku Hundza Vontlhe. Jehovha Nungungulu i ta mu nyika citshamu ca wuhosi ca Dhavhidha a papayi wakwe. I ta fumela a yindlu ya Jakobe kala kupindzuka; a Mufumo wakwe wu nga ta gumesa.”
A Mufumo ku wa hi yona mhaka-tshinya kuchumayeleni ka Jesu.
Matewu 9:35, i li: “Jesu i no fambafamba madhoropeni wontlhe ni zvidhoropaneni a gondzisa masinagogeni yabye, na a chumayela a mahungu ya ma nene ya Mufumo, ni ku hanyisa a vanhu ka mababyi ya tixaka tontlhe ni tinghumbe ta tixaka tontlhe.”
Jesu i tlhamusele a vapizani vakwe lezvi va nga wa ta zvi tivisa zvona a ku a Mufumo wu wa tata rini.
Matewu 24:7, i li: “Hakuva a tiko gi ta vhukela tiko, ni mufumo wu vhukela mufumo, ku tava ni tindlala ni kutsekatseka ka misava ka matshamu yo hambanahambana.”
Inyamutlha a vapizani va Jesu va chumayela xungetano hi Mufumo misaveni yontlhe.
Matewu 24:14, i li: “A mahungu lawa ya ma nene ya Mufumo ma ta chumayelwa misaveni yontlhe kasi mava wukustumunyu ka matiko wontlhe, hi kona ku to chikela a kugumesa.”