Kwadru Ga Ziwutiso

◼ Xana zi fanele a ku tsala khero ga hina wutsumbu ga Internet lomu ka mabhuku lawa hi avelako?

Hi ku tirisa a karimbo kutani ku nameka a xiphephana xi nga ni mitsalo yi gandlilweko, a vahuweleli vo kari va nameka a khero gabye lomu ka marevista kutani ka zitlukana lezi va nyikako vanwani. Lava va amukelako a marevista va nga lavetela a muhuweleli loye lezaku va kuma manwani mahungu. A mizamo leyo ya ku lava ku vuna a vatsakeli ya bongeka. Hambulezo, a khero ga hina ga nayo ka Internet gi sina gi kombisilwe lenzhako ka marevista ni zitlukana. Hikwalaho, i chukwana a ku nga nameki a makhero ya hina ka mabhuku ya hlengeletano.

Kani a muhuweleli wa nyikela a khero gakwe ka vanhu sinwini hi ku tirisa a phepha ginwani hi tlhelo, nguvunguvu a xikhati lexi a mahako maenzo yo wuyela, lexo xiboho xa yena nwinyi. Hi fanele ku sangula hi hina hi enzela lava va tsakelako a wutshanwini ga ku rinzela lezaku va hi lavetela kasi va kuma manwani mahungu. A kukhatala ka hina ka lisine ku nga tekela ku woneka a xikhati lexi hi wulawulako ni munhu nghohe ni nghohe.