Kwadru Ga Ziwutiso

◼ Xini xi gemako a ku hi ta siya mabhuku ni munhu kutani ahihi?

A nchumu wo ranga kutsakela ka munhu loye. Loku a kombisa kutsakela ka lisine, hi nga mu siyela marevista mambiri, broxura, bhuku, kutani ni xihi lexi xi nga xona hi xi nyikelako. Hi zalezo futsi hambu loku hi pola lezaku a mali a nga nayo yitsongwani kutani a nga na mali ya ku seketela a ntiro wa misava yontlhe. (Joba 34:19; Kuv. 22:17) Kanilezi, hi wa nga ta siya a mabhuku ya hina ya lisima ni lava va kalako va nga ma tsakeli. — Mat. 7:6.

Xana a nwinyi wa muti a nga kombisisa kuyini a kutsakela? A kuva a ti yimisela ku bhula na hina xikombiso xi nene xa kutsakela. A ku demba ndleve loku hi wulawula, ku hlamula ziwutiso, ni ku nyika mawonela zi komba lezaku wa ti patsa ka bhulo. A ku lanzelela loku hi kari hi gonza lomu ka Biblia zi komba lezaku i na ni xichawo hi Mhaka ya Nungungulu. A kutala ka zikhati zi chukwana a ku mu wutisa a ku i ta gonza a bhuku legi hi mu nyikako ke. A vahuweleli va fanele ku tirisa wutlhari kasi ku pola a kutsakela ka munhu. Hi xikombiso, loku hi kari hi nyika wukustumunyu lomu maruweni, zi wa nga tava zi nene a ku nyikela marevista, mabroxura, kutani mabhuku ka munhu wihi ni wihi a hunzako. Loku hi nga zi koti ku pola a kutsakela ka munhu, zi wa tava chukwana ku mu nyika xitlukana.

Hi kufanana, a ntsengo wa mabhuku lawa a muhuweleli a ma kumako laha balkawu wu fanele ku khegela ka lezi zi nga xilaveko xakwe kasi ku tatisa a wutireli gakwe, a zi faneli ku khegela ka wuzikoti gakwe ga ku maha minyikelo. A minyikelo a yi mahelwi ku hakhela mabhuku kanilezi yi mahelwa ku seketela a matshamela wontlhe ya ntiro wa hina wa kuxumayela misaveni yontlhe. Na ku nga khataliseki a wuzikoti ga hina hi tlhelo ga timali, a kubonga ku ta hi kuca ku nyika hi matsenya na zita hi ka kuvumala ka hina, wutshanwini ga kuta hi ka zinyingi za hina, kasi ku seketela a zilaveko za Mufumo. (Mar. 12:41-44; 2 Kor. 9:7) Ku ta tlhela ku hi kuca ku teka a mabhuku lawa hi nga ni xilaveko xa wona ntsena, zonake hi nga xakeli a titshomba ta Mufumo.

[Tlhamuselo wa mifota ka phajina 2]

A vahuweleli va fanele ku tirisa wutlhari kasi ku pola a kutsakela ka munhu