Gi Ka Matshamela Muni?

Lexo xiwutiso xa xi nene xi faneleko ku mahiwa xungetano hi bhuku gihi ni gihi hi alakanyelako ku gi nyikela sinwini. A mabhuku wontlhe lawa ma nga ni tindleve, ma cacukileko, ma chakileko, kutani ma hanzukileko ma ta wisa tingana a hlengeletano ya hina niku ma zi kota ku hambukisa kupima ka nwinyi wa muti mhakeni yo saseka ni yi hanyisako yi nga mabhukwini lawo.

Xana hi nga ma hlayisisa kuyini a mabhuku ya hina? A votala va zi wona na zi vuna a ku veka ka wutshamu ginwe a mabhuku ya lixaka lo fana lomu paxteni ya simu. Hi xikombiso, va na ni wutshamu ga mabhuku, ginwani ga marevista ni mabroxura, ni ginwani ga zitlukana, ziya mahlweni. A xikhati xontlhe va tlhelisako a Biblia ni mabhuku paxteni ya simu, va maha lezo hi wukheta lezaku va nga ma onhi. A vahuweleli vo kari va veka a mabhuku yabye lomu ka zikhwama kutani zipaxtana za plaxtiko. A ku khataliseki a mahlayisela ya hina, a xa hombe hi lezaku a hi lavi ku nyika munhu a xigelo xo zwala xa ku sola a wutireli ga hina hi ku mu nyika mabhuku ma nga tshamisekangiko. — 2 Kor. 6:3.