Lezi Hi Nga Zi Wulako Hi Marevista

A Sentinela ga 15 ka Nov.

“Hontlheni ha zi lava kuva ni wutomi go tsakisa, gi nyawulako. Xana wa vumela lezi Jesu a zi wulileko laha xungetano hi ndlela ya chukwana ya ku kuma litsako? [Gonza Mateu 5:3, zonake u rinzela hlamulo.] A revista legi gi tlhamusela lezi a ku tatisa xilaveko xa hina xa lisima xa ntumbuluko xa ku khozela Nungungulu ku nyawulisisako zona a wutomi ga hina.”

Despertai! ga Nov.

“Xikhatini lexi xa hina xi fumelwako hi siensia ni kungakholwi, a vanhu vo tala va alakanya lezaku a Biblia gi hunzelwe. Xana u ti zwisa kuyini hi lezo? [Rinzela hlamulo.] U wa zi tiva lezaku a magezu wontlhe lawa ma wulawulako hi za siensia lomu ka Biblia ma tsumbeka? [Gonza Joba 26:7.] A Despertai! legi go hlawuleka gi nyika zigelo zo zwala za kuva hi tsumba a Biblia.”

A Sentinela ga 1 ka Dez.

Xana u nga xi hlamulisa kuyini a xiwutiso lexi? [Gonza a xiwutiso lexi xi nga laha ka xifenengeto, zonake u rinzela hlamulo.] I khungo ga Nungungulu a ku tlhanganyisa vanhu. [Gonza Tisimu 46:8, 9.] A revista legi gi komba lezi a Biblia gi zi wulako xungetano hi lezi a wumunwe ga vanhu gi ta nga kumiswa zona.”

Despertai! ga Dez.

“A vo kari va alakanya lezaku a kufa i ndlela yo hunza hiya ka wutomi ginwani; vanwani va kholwa lezaku magumo. Xana wena wutsumbu u alakanya lezaku a kufa i nchumu hi faneleko ku wu chava? [Rinzela hlamulo.] Wona lezi Joba a nga ti zwisa zona xungetano hi lezi zi nga wa ta mu humelela loku a file. [Gonza Joba 14:14, 15.] A revista legi gi nyika a tlhamuselo wo dlunyateka wa Biblia xungetano hi lezi zi hi humelelako loku hifa.”