Lezi Hi Nga Zi Wulako Hi Marevista

A Sentinela ga 1 ka Nov.

“Loku a vanuna ni vasati va wo tirisa a wusungukati legi ga Biblia, xana a wukati gi wa nga ta tiya ke? [Gonza Joba 31:1, zonake u rinzela hlamulo.] A nzima leyi yi wulawula hi matshinya ya milayo ya Biblia lawa ma zi kotako ku vuna a mipatswa lezaku yi simama ku bohana wukatini ga yona.” Mu tlhamusele hi kukomisa a nzima yi sangulako ka phajina 18.

Despertai! ga Nov.

“A vanhu vo tala va alakanya lezaku a titshomba ta lomu bimbini ti kari ti tiriswa hi ndlela yo hunza mpimo. Hi mawonela ya wena, xana a mifumo ya vanhu yi ta zi kota ku lulamisa a xikarato lexi? [Rinzela hlamulo, zonake u gonza Mateu 6:10.] A nzima leyi yi komba a zigelo zo kari za kuva hi khatala nguvu hi mhaka leyi yi tlhela yi komba lezi Nungungulu a to yi lulamisisa zona.” Mu kombe a nzima leyi yi sangulako ka phajina 20.

A Sentinela ga 1 ka Dez.

“Xikhatini lexi xa lembe, a vanhu vo tala va alakanya Jesu. Hi kuwona ka wena, xana Jesu i ku khumbisa kuyini wena wutsumbu? [Rinzela hlamulo.] A Biblia ga hi kuca a ku lanzela xikombiso xa Jesu. [Gonza 1 Pedro 2:21.] Loku hi maha lezo hi tava vanhu va chukwana ni vo tsaka. A revista legi gi tlhamusela a ku hikuyini.”

Despertai! ga Dez.

“Hi mazana ya malembe a vanhu va kari va alakanyela hi xiwutiso lexi. [Mu kombe a xiwutiso xi nga laha ka xifenengeto xa revista.] Hi mawonela ya wena, xana hi nga wu kuma kwihi a hlamulo wo tsumbeka? [Rinzela hlamulo.] Wona a ku hikuyini hi faneleko ku lava hlamulo ka Nungungulu. [Gonza Tisimu 100:3.] A revista legi gi komba lezi a Biblia gi zi wulako hi mhaka leyi.”