Tsima Ga Kuxumayela Ga Hombe Ka Wontlhe Lawa Ma Mahekileko Misaveni!
Hi malembe ya ku hunza 100, a Timboni ta Jehova ti maha malulamiselo ya ku hangalasa mahungu yo saseka. (1 Kor. 9:23) Ka tsima legi ga kuxumayela ga hombe ka wontlhe lawa ma mahekileko misaveni, hi kanela a mahungu lawa hi mazana ya tirimi. Hi ma kanela matikweni ya ku hunza 230. (Mat. 24:14) Kanilezi hikuyini a ntiro lowu wu lavekako? Niku xana wu mahiswa kuyini misaveni yontlhe?
A vidiyu Testemunhas de Jeová — Organizadas para Pregar as Boas Novas yi hlamula a ziwutiso lezo hi ku nyika mitlhamuselo yo eta xungetano hi matshamela yo tsalangana ya ntiro wa hina wa misava yontlhe. A xikhati lexi u yi hlalelako, hlamula a ziwutiso lezi: (1) Xana a ntiro wa hina wu xaxametisilwe kuyini niku wu rangeliswa kuyini? (2) Xana a Zipanze za Redação, Serviços de Tradução, Arte, ni Serviços Audiovisuais zi vunisa kuyini kuhuwelelweni ka mahungu yo saseka? (3) Hi gihi kungo ga mitiro ya hina yi anzileko nguvu ya wugandli ni kurwalelwa ka mabhuku? (Joh. 17:3) (4) Mabhuku mangani ma gandliwako hi lembe? (5) Zini lezi zi tatiswako hi mabhuku ya hina lawa ma seketelwako ka Biblia? (Maheb. 4:12) (6) Zini zi mahiwako kasi ku nyika xivuno xa moya ka zikhumu ni ziwiri? (7) Yita hi kwihi a mali leyi yi tiriswako ntirweni wa hina? (8) Hi vunekisa kuyini hi ntiro wu mahiwako hi Serviços de Informações sobre Hospitais, Departamento de Serviço ni Departamento de Congressos? (9) Kota munwe wa Timboni ta Jehova, xana a vidiyu leyi yi engetelisile kuyini a kubonga ka wena (a) a mizamo leyi a hlengeletano ya Jehova yi yi mahako kasi ku xumayela mahungu yo saseka? (b) a mingango ya Beteli yo hunza 100 misaveni yontlhe? (c) a gonziselelo yi nyikiwako a vawoneleli ni varumiwa? (d) a lisima la ku sangula siku ginwe ni ginwani hi ku kambisisa a mutsalo wa Biblia ni ku ti longiselela kuya mitlhanganwini ya bandla? (e) a xivuno xa kuva kona mitsombanweni ya hina ya wuKristu? (f) lezi a Paradise laha misaveni gi ta nga zi neha? (Isa. 11:9) (g) a kuhlengela ka wena wutsumbu ntirweni lowu wu yako mahlweni wa kutshovela? — Joh. 4:35.
Kuhlamula muni ko tsakisa u ku wonako a xikhati lexi u kombisako a vidiyu leyi ka maxaka ya wena, vanhu u tivanako navo, lava u va mahelako maenzo yo wuyela, ni zigonzani za Biblia? Hikuyini u nga yi hlaleliko ni munhu munwani u tlhela u hlengela naye a mahungu yo saseka zalezanyana? — Mat. 28:19, 20.