Timboni ta Jehova — Zikombiso za kukholwa, Xipanze 2: Ngha kuwonekela ka nwina ku woninga

A xikhati lexi makabye Rutherford ni zitiri-kulobye va nga huma paxweni hi 1919, a Zigonzani za Biblia zi wa hi ni ntiro wa hombe nguvu. Kota lezi zi kombisiwako ka vidiyu Testemunhas de Jeová  —  Fé em Ação, Parte 2: Deixam a Luz Brilhar, a Zigonzani za Biblia zi lo kanetwa hi vanhu vo tala. Hambulezo, a kuzwisisa kabye Mitsalo ku lo engetela, ni kukholwa kabye ku lo hlutiwa. (Mav. 4:18; Mala. 3:1-3; Joh. 15:20) Anzhako ka ku bukela a vidiyu leyi, hlamula ziwutiso lezi:

(1) Tindlela muni ti tirisilweko hi Zigonzani za Biblia kasi ku hangalasa a mahungu yo saseka? (2) Zini zi mahekileko mitlhanganweni ya hombe ya 1931 ni 1935? (3) I mhaka muni ya lisima yi nga tlhamuselwa ka A Sentinela ga 1 ka Novembro wa 1939? (4) Tlhamusela lezi zi mahekileko le Madison Square Garden a xikhati lexi makabye Rutherford a nga veka kanelo, “Mufumo ni kurula” (Governo e Paz). (5) Hikuyini a kanelo ya makabye Knorr yaku “Xana a kurula ku ta pinzuka?” (Paz  —  Pode Durar?) yi vileko yo hlawuleka? (6) Malulamiselo muni ma mahilweko hi Timboni ta Jehova hi 1942 kasi ku engetela ntiro wa tona wa kuxumayela? (7) Tlhamusela lezi zi mahilweko le Estados Unidos, Canadá, ni le Grekia kasi a Timboni ti kota ku xumayela. (8) Xana a xikola xa Gileade xi wu tsutsumisisile kuyini a ntiro wa kuxumayela ke? (9) I ntiro muni wa lisima wu sangulilweko hi 1946, niku hikuyini? (10) Zini lezi a Timboni ta Jehova ti zi mahileko kasi ti zwananisa a mahanyela ya tona ni milayo ya Biblia? (11) Tlhamusela zilo zo kari zi chukwatisilweko hi va 1970 kasi a hlengeletano yi zwanana khwatsi ni milayo ya Biblia. (12) Xana a vidiyu leyi yi ku vunisile kuyini a ku zwisisa lezaku a hlengeletano leyi yi rangelwa hi Jehova? (13) Yi ku vunisile kuyini lezaku u simama ku xumayela hi kuchivirika hambu loku u kumana ni zikarato? (14) Hi nga yi tirisisa kuyini kasi ku vuna a maxaka ya hina, zigonzani za hina za Biblia ni vanwani ke?

A siku ni siku gi cako, gi vulula phajina giswa ka matimu ya Timboni ta Jehova. Ahati hina, xana hi ta siya a matimu yo saseka ke? Ngha a ‘kuwonekela ka hina ku woninga,’ kota lezi va mahileko vamakabye va hina xikhatini xi hunzileko. — 2 Kor. 4:6.