Lezi Hi Nga Zi Wulako Hi Marevista

A Sentinela ga 1 ka Maio

“Lezi ku mahekako timhango to tala ta ntumbuluko masikwini ya hina, a vanhu vo tala va alakanya lezaku kuzilava ho tsayisiwa hi Nungungulu. Hi wahi a mawonela ya wena? [Rinzela hlamulo, zonake gonza 1 Johani 4:8.] A nzima leyi yi tlhamusela a ku hikuyini Nungungulu a nga hiko na nanzu hi kota ya kuxaniseka loku ku vangiwako hi timhango ta ntumbuluko.” Mu kombe a nzima leyi yi nga ka phajina 30.

Despertai! ga Maio

Lera Mateu 6:10. Hi kulanzela mu wutise: “Xana wa tshuka u ti wutisa a ku hi kwihi a kuranza ka Nungungulu misaveni? [Rinzela hlamulo.] Hi kuya hi Biblia, kusukela kale Nungungulu i na ni kungo xungetano hi misava, niku a kungo lego a gi cicangi. A nzima leyi ya tlhamusela.” Mu kombe a nzima leyi yi sangulako ka phajina 10.

A Sentinela ga 1 ka Jun.

“A mahungu ya lomu ka Biblia lawa ma wulawulako hi Noa zinwe ni Ntalo ma tiviwa hi vanhu vo tala. U alakanya lezaku a Ntalo wuve kona hakunene? [Rinzela hlamulo.] Lexi xi tsakisako hi lezaku Jesu i wu kumbukile a tlhela a wula lezaku wu mahekile hakunene. [Gonza Luka 17:26, 27.] A revista legi gi nyika a zigelo zo kholwa lezaku hakunene a Ntalo wu mahekile, gi tlhela gi tlhamusela a ku wona wu hi gonzisa yini.”

Despertai! ga Jun.

“A ku wundla vana za karata, nguvunguvu a xikhati lexi a n’wana a chikelako ka tanga yo rama a tlhela ava ni kucica ka hombe. Xana u alakanya lezaku a vapswali va nga gi kuma kwihi a wusungukati go tsumbeka? [Rinzela hlamulo, zonake gonza Isaya 48:17, 18.] A revista legi gi nyika a mawonela yo kari ya lisima kasi ku vuna vapswali lezaku va wundla a vana vabye hi wutlhari ni kuzwisisa.”