Lezi Hi Nga Zi Wulako Hi Marevista

A Sentinela ga 1 ka Out.

“A titlhari ta li tiva a lisima la ntiro wa dadani wutomini ga ngango. Hi mawonela ya wena, xini xi mahako a dadani ava mu nene? [Rinzela hlamulo.] Jesu i dlunyatisile lezi a xikombiso xa Dadani wakwe xi mu vunisileko zona. [Gonza Johani 5:19.] A nzima leyi yi tlhamusela a ntlhanu wa zipanze ni xinwe za ntiro wa dadani.” Mu kombe a nzima leyi yi sangulako ka phajina 18.

Despertai! ga Out.

“A vanhu va wukhongeli go hambanahambana va na ni mawonela yo hambana xungetano hi lezi Nungungulu a tshamisileko zona. Kanilezi xana a N’wana wa Nungungulu i Mu tlhamuselisile kuyini? Wona a magezu ya Jesu ma nga ka Johani 4:24. [Gonza.] Ka maphajina mambiri ntsena, a nzima leyi yi komba a mawonela ya Biblia xungetano hi xiwutiso lexi, ‘Xana Nungungulu i tshamisile kuyini?’” Mu kombe a nzima yi nga ka maphajina 24 ni 25.

A Sentinela ga 1 ka Nov.

“A vanhu vo tala a va zi koti ku zwananisa a kukholwa kabye a Nungungulu wa liranzo ni gonzo ya kuxaniswa ka pinzukelwa. Hi wahi a mawonela ya wena? [Rinzela hlamulo.] Hi kudlunyatekileko, a Biblia gi gonzisa lezaku Nungungulu a nga bihangi timbilu kutani kuva wa xiviti. [Gonza Ezekieli 18:23.] U ta tsaka hi ku wona a tlhamuselo wa Mitsalo lowu wu kombiswako ka revista legi.”

Despertai! ga Nov.

“A kutala ka zikhati a vanhu va alakanya lezaku a kuhumelela kuva ni ndhuma, ku ganya, kutani ntamu. Xana u nga ku tlhamuselisa kuyini a kuhumelela? [Rinzela hlamulo.] Wona lezi zi yisako kuhumeleleni hi kuwula ka Biblia. [Gonza Tisimu 1:1-3.] A nzima leyi yi wulawula hi ntlhanu wa tindlela ni yinwe ti yisako kuhumeleleni.” Yisa a kupima kakwe ka nzima yi sangulako ka phajina 6.