Siku Go Hlawuleka Ga Ku Sangula Zigonzo Za Biblia

¹ Kusukela Janeiro, a bandla ni bandla gi ta yimisa a kumbhela kunwe ka viki hweti ni hweti, kuzilava a viki go sangula, lezaku gi sangula zigonzo za Biblia ntsena. Lezo zi nga ha mahiwa hi Mulongiso kutani Sonto, hi kuya hi lezi zi nga chukwana xipanzeni xa nwina. Ka siku lego, loku a venyi va miti va nga vumeli a xigonzo, a vahuweleli va nga ha simama ku va nyika a bhuku A Biblia Gi Gonzisako kutani a marevista ya maswa. Wontlhe a madota ni malanza ya wutireli ma fanele ku maha malulamiselo ya lezaku ma hlengela nguvu ntirweni lowo ma tlhela ma vuna a vahuweleli a ku sangula zigonzo za Biblia.

² A Kometi ya Ntiro ya Bandla yi ta boha lezaku hi kwihi a kumbhela ka viki ku to hlawuliwa a siku kasi ku sangula a zigonzo za Biblia. Xikhati ni xikhati, ku fanele ku nyikiwa zikhumbuxeto kasi a vahuweleli va ti longisela ni ku maha mizamo yo hlawuleka lezaku va sangula zigonzo za Biblia hi muti-ni-muti ni loku va enzela lava va sinako va kombisile kutsakela.

³ Ndlela Ya Ku Ti Longisela: Hi nga kuma a mawonela ya ku sangula zigonzo za Biblia ka xiengetelo xa Nosso Ministério do Reino ga Janeiro wa 2006 ni ka phajina 11 ga bhuku Raciocínios. A vo kari va nga ha hlawula ku tirisa a xitlukana, xo kota Xana Wa Zi Lava Ku Tiva A Zinene? A Nosso Ministério do Reino ga Agosto wa 2007 gonawu gi nyika a mawonela ya ku sangula zigonzo za Biblia a xikhati lexi hi enzelako lava va amukeleko a marevista. A madota ni malanza ya wutireli ma ta mahelwa longoloko wa lezaku ma fambisa a mutlhangano wo koma wa ntiro wa simu hi 10-15 wa timeneti, lowu a ka wona ku ta nga wulawulwa kutani ku mahiwa mukombiso wa wonela ginwe kutani mambiri ya ku sangula a zigonzo za Biblia.

⁴ Lisine lezaku a hi vontlhe va to vumela a xigonzo xa Biblia kutani ku simama ni xigonzo xabye hi xikhati xo leha. Lezo a zi faneli ku hi tlhelisela nzhako, hakuva hi Jehova loyi a kokelako vanhu va fanako ni tiyivu hlengeletanweni yakwe. (Joh. 6:44) A wutihlamuleli ga hina a hi ku xwanya a timbewu ta zinene ntsena, kanilezi ku hlakulela ni ku cheletela mati leti ti zimileko mitsu, niku lezo zi patsa a ku gonza Biblia ni vanhu va timbilu ti nene. Hi ku maha lezo, hi tirisa a lungelo ga hina ga kuva zitiri-kulobye na Nungungulu. — 1 Kor. 3:9.