Xana Wa Zi Tiva Lezi U To Zi Hlawula?

A ntiro wa wuhanzuli na ku nga tiriswi nkhata wa mahiwa ka zipitali zi yako zi engetela misaveni yontlhe. Xana wa ma tiva khwatsi a machumela ma nga tirisiko nkhata lawa ma nga kona kasi uva ni kuhlawula? U fanele ku ma tiva kasi u zi kota ku maha ziboho za machumela ni kuhanzulwa na u hi ni kutiyiseka. Hlalela a vidiyu Sem Sangue: A Medicina Encarou o Desafio. Anzhako ka lezo, khongelela a ziboho za wena ni lezi u zi gonzileko hi ku vuniwa hi ziwutiso lezi zi xaxametilweko lahasi. — Cuwuka: Kota lezi a vidiyu leyi yi kombisako a mitiro yo kari ya wuhanzuli, a vapswali va fanele kuva ni wukheta loku va yi hlalela ni vanana.

(1) Hi xihi a xigelo-tshinya xa kuva a Timboni ta Jehova ti ala a ku cheliwa nkhata? (2) Maringano ni ku chumiwa mababyi, hi kwihi a kuxuva ka Timboni ta Jehova? (3) Hi yihi a fanelo-tshinya leyi a vababyi va nga nayo? (4) Hikuyini zi nga wutlhari a ku hlawula a mimuri yinwani yi valetako nkhata? (5) Loku a nkhata wu halaka nguvu, hi zihi a zilo zimbiri lezi a vadokodela va faneleko ku zi maha hi xihatla? (6) Tindlela muni ta mune leti ti tiriselwako ku chuma na ku nga tiriswi nkhata? (7) Xana a vadokodela va nga mahisa kuyini kasi (a) ku hungula a kuhalaka ka nkhata, (b) ku hlayisa a maglobulo yo pswhuka, (c) ku kuca a kuengetela ka nkhata, ni (d) ku lonzowota a nkhata wu halakako? (8) Tlhamusela a mamahela lawa ma tiviwako kota (a) hemodiluição ni (b) recuperação intra-operatória de células. (9) Zini u faneleko ku tshama na u zi tiva xungetano hi lezi zi valetako a ku cheliwa nkhata? (10) Xana za koteka a ku mahiwa a wuhanzuli go karata nguvu na ku nga cheliwi nkhata? (11) Kucica muni ka ku nene loku ku wonekako xikari ka vadokodela?

A ku vumela a machumelwa yo kari lawa ma kombisilweko ka vidiyu leyi xiboho xa munhu wutsumbu hi kuyelana ni livalo la munwe ni munwani leli li gonzisilweko hi Biblia. Xana u sina u mahile xiboho xungetano hi machumelwa ni mamahela ya wuhanzuli lawa wena zinwe ni vana va wena mu ti yimiseleko ku ma vumela mu tlhela mu tatisa a cartao DPA? Kasi ku kuma tlhamuselo wo mbhelela wa timhaka leti, wona “Perguntas dos Leitores” lomu ka A Sentinela ga 15 ka Junho wa 2004, ni A Sentinela ga 15 ka Outubro wa 2000. Zonake tirisa a xiengetelo xa Nosso Ministério do Reino ga Novembro wa 2006 xi nga ni hloko ya mhaka “Como encaro as frações de sangue e os procedimentos médicos que envolvem o uso de meu próprio sangue?,” kasi u maha ziboho za wena xungetano hi machumela lawa u nga wa ta ma vumela kutani ku ma ala. Hi kugumesa, tiyiseka lezaku u tsalile khwatsi lezi u hlawulileko lomu ka cartao ga wena DPA. A va representante legal lava u va hlawulileko ni ziro za ngango wa wena zi nga hiko Timboni va fanele ku tivisiwa a ziboho za wena.

[Kwadru ka phajina 3]

• Xana u mahile xiboho xungetano hi machumelwa ni mamahela ya wuhanzuli lawa wena zinwe ni vana va wena mu ti yimiseleko a ku ma vumela?

• Wa fambafamba ni cartao DPA gi tatisilweko kota lezi gi to tshuka gi laveka?