Xana u longile ku yimisana ni xikarato xa nkhata?

A munhu a nga ha humelelwa hi xikarato xa nkhata hi xitshuketi. (Jak. 4:14) Hikwalaho, loyi a tlharihileko wa ti longisela hi laha zi kotekako hi kona. (Mav. 22:3) Xana u bohile a ku hi wahi a machumela ni mamahela ya wuhanzuli lawa u to ma vumela, u tlhela uya hi ku tsala a xiboho xa wena? Kasi ku ku vuna, ku humesilwe a vidiyu Tratamentos Alternativos à Transfusão: Atendendo às Necessidades e aos Direitos do Paciente, yi nga ya wumbiri lomu ka DVD gi nga ni hloko ya mhaka Alternativas à Transfusão  —  Série de documentários. A xikhati lexi u yi hlalelako, zama ku hlamula a ziwutiso lezi zi lanzelako. Kota lezi a vidiyu leyo yi nga ni zipanze zi kombisako wuhanzuli, a vapswali va fanele ku tirisa wutlhari loku va lava ku yi bukela ni vanana va va tsongwani.

(1) Hikuyini a vadokodela vo kari va tlhelako va kambisisa a mhaka ya kutiriswa ka nkhata? (2) Nyika zikombiso zinharu za wuhanzuli go karata legi gi mahilweko handle ka kutiriswa ka nkhata. (3) Hikuyini a makume ya mazana ya vadokodela misaveni yontlhe va ti yimiselako ku chuma vababyi handle ka ku tirisa nkhata? (4) Zini lezi zi kombisilweko hi kukambisisa ko kari loku ku mahilweko lokuloku lomu zipitali xungetano hi kutiriswa ka nkhata? (5) Hi wahi makhombo ma fambelanako ni kutiriswa ka nkhata? (6) Xana a titlhari to tala ti chikelele magumo wahi xungetano hi mabhinzu ya machumela manwani handle ka nkhata? (7) Zini lezi zi vangako a kukiyelelwa hi nkhata? Zini lezi zi nga mahiwako kasi ku vuna mubabyi a kiyelelwako hi nkhata? (8) Xana a maglobulo yo pswhuka ma nga engeteliswa kuyini lomu mirini wa mubabyi? (9) Tindlela muni ti tirisiwako lezaku ku nga lahleki nkhata wo tala a xikhati lexi ku mahiwako wuhanzuli? (10) Xana a machumela manwani handle ka nkhata ma nga tirisiwa hi ndlela yo humelela ka zivanana ni le ka vanhu lava va babyako za mahati? (11) Hi gihi a ginwe ga matshinya ya milayo ya ku tira hi xichawo gi yelanako ni ku khoma vababyi hi ndlela yi nene?

Kota lezi a ku vumela a machumela yo kari lawa ma kombisilweko ka vidiyu leyi zi nga xiboho xa munhu wutsumbu, u nga rinzeli kala u yimisana ni xikarato xa nkhata kasi u boha a ku u ta ma vumela kutani ahihi. A xipimo 7 xa bhuku ‘Liranzo La Nungungulu’ ni mabhuku lawa ma kumbukilweko lomo zinwe ni xiengetelo xi nga ka Nosso Ministério do Reino ga Novembro wa 2006 zi ta ku vuna ku maha ziboho zo tiya na u tiva zontlhe lezi zi patsekako. Hi kugumesa, loku u bapatizilwe, tsala a ziboho za wena ka kartawu DPA u tlhela u tshama ni kartawu ga wena xontlhe xikhati.

[Tlhamuselo wa mifota ka phajina 3]

Xana u mahile xiboho xa machumela ni mamahela ya wuhanzuli lawa u to ma vumela u tlhela uya hi ku zi tsala?