Xumayela ‘vanhu va tixaka tontlhe’
1. Xana a vavangeli vo humelela va fana ni vameseri va hombe hi ndlela muni?
1 A meseri wa hombe i na ni zitiro zo tala, niku wa tiva a xikhati xa ku tirisa xitiro xinwe ni xinwani ni matirisela ya kona. Hi kufanana, hinawu hi na ni zitiro zo tsalangana lezi zi hi vunako a ku tatisa a ntiro wa hina kota vavangeli. Hi xikombiso, ku humesilwe mabroxura yo tala ma wulawulako hi timhaka to hambanahambana lezaku ma hi vuna ku xumayela ‘vanhu va tixaka tontlhe.’ (1 Kor. 9:22) A xiengetelo lexi xi tako zinwe ni Wutireli legi xi xaxameta a mabroxura yo kari, xi tlhamusela lezaku wona ma mahelwe vamani, xi tlhela xi nyika mawonela ya manyikelela ya kona.
2. Hi rini hi nga tirisako mabroxura sinwini?
2 Xikhati xa ku tirisa mabroxura: A meseri i tirisa a xitiro xo kari loku xi laveka. Hi kufanana, hinawu hi ta nyikela a broxura go kari ka munhu loku hi wona lezaku gi ta mu vuna, na ku nga hi ku rinzela kala hi leletelwa lezaku hi gi nyikela hi hweti yo kari. Hi xikombiso, loku ku hi lezaku hi leletelwe ku nyikela a bhuku A Biblia Gi Gonzisako kanilezi na hi xumayela ka tiko legi a vanhu va kona va nga hiko maKristu, na va nga khatali nguvu hi Biblia, zi nga hava chukwana a ku nyikela broxura gi yelanako ni matshamela ya vanhu lavo hi guma hi va nyika a bhuku A Biblia Gi Gonzisako anzhako ka kuva hi hlakulele kutsakela.
3. Hikuyini hi faneleko ku tiva khwatsi a matirisela ya chukwana ya zitiro za hina za ku xumayela hi zona?
3 A Mitsalo ya dzunza a vanhu lava va tlharihileko ntirweni wabye. (Mav. 22:29) Hakunene a ku na ntiro inyamutlha lowu wu nga wa lisima nguvu kuhunza a ntiro wo basa wa “ivangeli.” (Rom. 15:16) Kasi kuva “xitiri xi nga hiko na tingana,” hi ta ti karatela ku tiva a matirisela ya chukwana ya zitiro za hina. — 2 Tim. 2:15.