Lezi Hi Nga Zi Wulako Hi Marevista

Sentinela ga 1 ka Julho

“Hi mawonela ya wena, xana za koteka a kuva ni kurula ka mbilu zikhatini lezi za zikarato? [Rinzela hlamulo.] Hi nga wona lezi a Biblia gi wulako lomu ka Va Le Filipi 4:6, 7. [Gonza.] A nzima leyi yi tlhamusela lezi hi nga ku kumisako zona a kurula loku Nungungulu a ku nyikako.” Khanyisa a nzima leyi yi sangulako ka phajina 10.

Despertai! ga Julho

“A kutala ka hina ha bonga hi lezi a vapswali va hina va nga hi gonzisa. Hi mawonela ya wena, xana ku ngava ku kala xichawo a ku kambisisa a tigonzo ta wukhongeli leti hi gonzisilweko na ha ha hi vanana? [Rinzela hlamulo, zonake u gonza 1 Johani 4:1.] A nzima leyi yi komba a ku xana zi lulamile kutani zi bihile a ku cica a wukhongeli ga hina.” Mu kombe a nzima yi sangulako ka phajina 28.

A Sentinela ga 1 ka Agosto

“A vo kari va wula lezaku a wukhongeli gontlhe tindlela to hambanahambana ti yisako ka Nungungulu yaloyi wa munwe. Hi mawonela ya wena, xana a wukhongeli gontlhe gi nene? [Rinzela hlamulo, zonake u gonza Mateu 7:13, 14.] A revista legi gi tlhamusela a zilo zinharu zo kongoma lezi a Biblia gi wulako lezaku zi fanele ku mahiwa hi wukhongeli legi gi nga gi nene.”

Despertai! ga Agosto

“Hontlheni ha tshuka hi xaniseka hi kota ya xihlawulela. Hi mawonela ya wena xana Nungungulu i xi wonisa kuyini a xihlawulela? [Rinzela hlamulo, zonake u gonza Mitiro 10:34, 35.] A Biblia gi nga hi vuna loku hi yimisana ni xihlawulela. Gona gi nga tlhela gi hi vuna a ku daya a xihlawulela xihi ni xihi lexi hi nga ha vako naxo. A revista legi ga tlhamusela zalezo.”