Lezi Hi Nga Zi Wulako Hi Marevista

A Sentinela ga 1 ka Setembro

“A votala va alakanya lezaku a tlhatlhambutelo wa Genesisi xungetano hi Adamu na Eva i karingani. A vanwani va kholwa lezaku Adamu na Eva va vile kona hakunene. Hi wahi a mawonela ya wena? [Rinzela hlamulo.] Wona lezi Jesu a va kumbukisileko zona. [Gonza Marku 10:6-9.] A nzima leyi yi wulawula hi zilo za lisine yi tlhela yi tlhamusela a xigelo xa kuva hi khatalela lezi hi zi kholwako.” Mu kombe a nzima yi sangulako ka phajina 12.

Despertai! ga Setembro

Gonza 1 Johani 4:8, zonake uku: “A vokari va kholwa lezaku Nungungulu wa xanisa a vakubiha hi ku va hisa tilweni kala kupinzuka. A vanwani va alakanya lezaku a maalakanyo lawo a ma zwanani ni lezi ha hi ku zi gonzako. Hi wahi a mawonela ya wena? [Rinzela hlamulo.] A nzima leyi yi tlhamusela lezi a Biblia gi gonzisako xungetano hi mhaka leyi.” Mu kombe a nzima yi sangulako ka phajina 10.

A Sentinela ga 1 ka Outubro

“Hina hontlhe hi yimisana ni zikarato wutomini. [Kumbuka zo kari zi humelelako votala lomu xipanzeni xa nwina.] Xana u alakanya lezaku Nungungulu a nga hi vuna a ku hlula a zikarato lezo? [Rinzela hlamulo.] Ka vesi legi, Jesu i komba yinwe ya tindlela leti Nungungulu a hi vunako hi tona. [Gonza Luka 11:13.] A revista legi gi tlhamusela a ku xini a moya wa ku basa ni lezi wu hi vunisako zona.”

Despertai! ga Outubro

“A ku na kukanakana ka lezaku a zikarato zi ta humelela ka ngango wihi ni wihi. Hi kwihi laha u alakanyako lezaku a mingango yi nga kuma kona a wusungukati go tsumbeka ga ku tlhatlha a zikarato lezo? [Rinzela hlamulo, zonake u gonza Tisimu 32:8.] A Despertai! legi go hlawuleka gi xaxameta a matshinya ya milayo ya Biblia yo hlaya lawa yaku loku ma tiriswa, ma ta vuna a mingango.”